سوبر ماركت لعملائه: "ساعدونا وتعالوا خدوا اللحمة والفراخ والسمك ببلاش"

قال الرحالة المصري أحمد حجاجوفيتش إن سلسلة "سوبر ماركت" كبرى في الدنمارك طلبت من عملائها النزول لأخذ اللحوم والأسماك والدواجن بشكل مجاني نظرًا لأن السلسلة ستغلق أبوابها لمدة ثلاثة أيام احتفالًا بالكريسماس.
وكتب حجاجوفيتش على صفحته الشخصية على موقع التواصل الاجتماعي "فيسبوك" قائلًا: "سلسلة من أكبر سلاسل السوبر ماركت في الدنمارك كاتبين إعلان في الجرائد والفيسبوك إنهم طالبين مساعدة من الناس إنهم ينزلوا المحلات بتاعته وياخدوا اللي هما عايزينه من اللحوم والفراخ والسمك الطازة والمبردة والعيش والمخبوزات والفاكهة والخضار ببلاش".
وتابع قائلا: "‎كل ده عشان السوبر ماركت حيقفل لمدة 3 أيام عشان إجازات الكريسماس وإدارة المحلات دايماً عايزة حاجتها طازة ومش مبيتة، فالأحسن إنهم يسيبوها للناس ببلاش كهدية للكريسماس بدل ما كده كده كانوا حيرموها في الزبالة لما يرجعوا من الأجازة ومحدش حيستفيد بيها".
وواصل قائلا: "‎تخيلوا الذمة والضمير وصلوا لإيه بأنهم مينفعش يبيعوا الحاجة بعد ما تتساب في المحل أكتر من 3 أيام".
‎وأضاف: "والأغرب من ده إن المحل زي ما باين في الصورة مش زحمة وكل واحد بياخد الحاجة اللي بس محتاجها وبيمشي".
وتساءل حجاجوفيتش: "‎تفتكروا ممكن نشوف حاجة كده في مصر في يوم من الأيام؟".