سيد صاحي فايق رايق ما هو يوم جمعة.. إيه هيضايق؟! قعد اتاوب.. وبيتمطع بوسع إيديه.. بص اتفاجئ إن سكينة مش حواليه! قام على مهله كده بشويش ساوى الفرش وفتح الشيش ولسه يا دوب بيكلم نفسه قايمة بدرى دى تعمل إيه؟! إلا ومستكة دخلت عنده صباح الخير.. يا سعادة البيه سيد صبّح برضه وقال "خير يا سكينة.. مش بعوايد تصحي بدرى كده قبلينا" مستكة ردت "قولت أما أصحى أوضب حالي وألحق أحضر أحلي فطار لحبيبي الغالي سيد قلّق من لطافتها خايف يبقى وراها كمين ولسه هيسأل عن نيتها إلا عيالهم راحوا داخلين "يلا يا ماما.. إحنا لبسنا وخلصنا فطارنا وجاهزين" مستكة ردتلسه حبايبي بابا مافطرش ولّا يدروخ وما ننزلش؟ نطوّا عيالهم يلا يا بابا بسرعة روح افطر ماما بتقوووول اللي هيفطر طول اليوم ع اللف هيقدر سيد تنح حس بدوخة مستكة قالت أيوة يا سيد يلا بسرعة عايزين ننزل قبل الجمعة سيد جزّ سنانه وقال ليه أنا رايح حته بعيد؟ مستكة كشّت حبة وقالت شكلك ناسي إحنا حبيبي في دخلة عيد عايزين نلحق نشتري جزمة ولبس جديد سيد قال لبس جديد! بس العيد ده عيد اللحمة! مستكة ردت أيوة هعدى برضه أجيبها قبل الزحمة سيد قال لا والله!طب مش ناسية حاجة كمان؟! مستكة ردت لا مش ناسية بعد العيد راح يبقى دراسة بس دى طلباتها في كراسة أقوم أجيبها لك علشان تبقى في الحسبان سيد شد فشعره وقال محدش يلغي الشهر الجاااااي؟!
