"خد من عبد الله واتكل على الله".. تعليقات مدحت شلبي في القمة 114

اعتاد جمهور كرة القدم على تعليقات الإعلامي مدحت شلبي، وخاصة في مباريات غريمي الكرة المصرية الأهلي والزمالك، والتي تظل عالقة في أذهان جماهير القطبين، فضلا عن أنها تصبح حديث مواقع التواصل الاجتماعي.
وفي مباراة القمة اليوم، انتهى الشوط الثاني والمباراة بتقدم الأهلي على الزمالك بهدفين مقابل لا شيء، ولم يحرم شلبي جمهوره من "إفيهات" جديدة، التي سرعان ما أصبحت مادة ل"الكوميكس" على موقع التواصل الاجتماعي "فيسبوك".
وترصد "الوطن" أبرز إفيهات "شلبي" خلال مباراة القمة:
- هوبااا.. يا نهااار اابيض.
- صالح جمعة "المعلم ابن المعلم"
- "إيناسيو" مبيغيرش الجاكيت بتاعه، عشان بيتفائل بيه.
- هخلي المدرب يقول آه يا عمر.
- الحكم مدرس دين آه، بس ميعرفش عربي.
- لو فتحي خد الإنذار التاني، يبقي كل سنة وإنت طيبين.
- أحمد رفعت ممكن يحرك الماتش، مش عارف إيناسيو "ناسيه" ليه.
- لعيبة الزمالك بعد أكلة السمك والجمبري ريحوا.
- الأهلي بيلاعب نفسه.
- علي جبر بيزعق للونش.. بس "الونش" مش هيعرف يرفع.
- اللاعيبة بتعمل تمثيليلات، يا ترى اللي واقع ده تعبان ولا تكملة المسلسل.
- مش مهم الغرز اللي في دقن "نجيب"، المهم مياخدش "غرزة" من حد.
- أجاي ده لعيب "فتوة".
- علي معلول ريح الكورة بقلب من حديد.
- لو أجاي جاب الفرصة اللي فاتت كانت الليلة خلصت.
- مصطفى فتحي مش رايق مش فايق مش متظبط.
- الكورة ديه كانت عايزة لفة جاتوه.
- غالي يا جماعة النهاردة "غالي".
- مصطفى فتحي سمع شخطة من برة ولا إيه.
- يخرب عقلك يا راجل.
- أجاي منك أجاي.
- خلصت الليلة.. كل عام وأنتم بخير.
- فين إعادة الجون يا أستاذة إيناس.
- خد من عبدالله واتكل على الله.