أعربت المطربة شذى، عبر حسابها الرسمي على "إنستجرام"، عن حبها للمطرب هيثم شاكر، كما كشفت عن وجود "دويتو" يجمعهما سويا، ولكنها لا تعرف موعد طرحه. ونشرت شذى، صورة تجمعها بشاكر معلقة عليها: "طيب والنبي أنت أقول فيك إيه.. الصاحب والأخ عشرة يجي كده 15 سنة.. النجاح والبداية اللي بجد ربنا كتبها لنا في نفس الوقت إتنائرنا كتير وسخفنا على بعض كتير وسهرنا نشتغل ونسجل ونجتهد كتير، وياما كنت بعملكوا كماين أنت وحميد وأفضل أنفسن عليك علشان الكمنجات في أغانيك أكتر من الأغاني بتاعتي وأقول للكابو إشمعنى واشتغلنا حفلات كتير قوي مع بعض وعملنا دويتو مصيره غير معلوم حتى الآن". وأضافت: "أنا محتاجة كتاب أكتبه عن علاقة القط والفار بيني وبين هيثم بس في الآخر هو الجدع والطيب وصاحب صاحبه واللي بجد من ريحة أحلى أيام في حياتي، وربنا كتبلنا ننجح بألبوماتنا في نفس السنة هو آه نزل قبلي بكام شهر أكيد بس بجد هو من ريحة أحلى أيام لما كانوا أهلي في ضهري كده والدنيا كانت وردي والأحلام كلها قريبة.. من الآخر هيثم بجد من أهم وأحلى أصوات الوطن العربي مطرب تقيل بجد إن شاء الله كل اللي هيجي يكون نجاحات ونفضل وش السعد على بعض يا أجدع هيثووووم وعادي هفضل أطلع عينك".