جولة في الأسواق تكشف أسعار السلع ثابتة والانخفاض لا يذكر

رغم تراجع سعر الدولار في مقابل الجنيه وما تردد مؤخرا من أن هذا التراجع صاحبه انخفاض في أسعار بعض السلع الغذائية لكن جولة "الوطن" في بعض الأسواق كشفت عن إرتفاع أسعار الخضروات والفاكهة وثبات أسعار العديد من السلع ولم يطل الإنخفاض إلا سلعة واحدة أو أكثر ولم تكن انخفاضا ملحوظا مثملا كانت الزيادات الأخيرة ملحوظة بحسب ما أكده عدد من المواطنين والباعة معا.ظلت أسعار بعض السلع ثابتة بحسب ما أكده العديد من الباعة مثل الزيت الذي وصل سعره إلى 16 جنيه للزجاجة الواحدة والتي يبلغ حجمها نحو800 جرام، والفول والذي وصلع سعر الكيلو فيه حتي 14 جنيه للكيلو الواحد، لكن الانخفاض الذي لامس بعض السلع الأساسية لم يزد عن 25 قرش أو نصف جنيه فقط في السلعة الواحدة وهو ما حدث مع السكر الذي انخفض سعر الكيلو فيه من 8.5 جنيه إلى 8 جنيه فقط، في حين انخفض سعر كيلو الأرز إلى 8 جنيهات بعدما كان سعره 8.25 جنيه.
ميلاد:الخضروات والفاكهة أسعارها في زيادة مستمرة..ومجدي:الأرز والسكر انخفضا 25 قرش في الكيلو
"إحنا ملناش دعوة بالدولار" هكذا بدأ ميلاد زكى، 53 عام، بائع خضار، وأحد سكان منطقة روض الفرج، قائلا: "الأسعار ملهاش دعوة بارتفاع أو إنخفاض سعر الدولار، وزارة الزراعة السبب فى زيادة الأسعار، هى بترفع الأسعار عشان تقدر تعوض الغلاء فى الأسمدة، كل حاجة غليت، مفيش انخفاض فى الأسعار خالص، يعنى الكوسة كانت ب6 جنية بقت ب 8 جنية، الباذنجان الرومى كان ب 3 جنية بقى ب 8 جنية، الفاصوليا الخضرا كانت بتتراوح بين 10:8 جنية بقت بتتراوح بين 25:23 جنية، الخيار كان ب 6 جنية بقى ب 8 جنية، القرنبيطة كانت ب 5 جنية بقت ب 7 جنية، الفلفل الألوان سعره ثابت ولا بيزيد ولا بيقل ب 15 جنية".ومن جانبه أكد محمد حيكة البالغ من العمر 50 عام، بائع فواكه، وأحد سكان منطقة بولاق الدكرور، أن ضعف الرقابة هو المتسبب الأول في ارتفاع الأسعار بهذا الشكل،ى مضيفا: "الأسعار زى ماهي ولسه هتزيد، جشع التجار السبب فى ارتفاع أسعار الفواكة، التجار مش عليهم رقابة، مابينفذوش القرارات اللى بتنزلها الدولة بانخفاض الأسعار، عشان كدة لازم الحكومة تنزل وتراقب الأسعار، يعنى البيعة كانت بتتراوح بين 3:2 جنية، بقت تتراوح بين 6:5 جنية، التاجر الكسبان فى كل الأحوال"، ويتابع: "البرتقال كان سعره 5 جنية أغلى حاجة دلوقتى بقى سعره 7 جنية، اليوسفى كان سعره بيتراوح بين 5:4 جنية النهاردة سعره بين 7:6 جنية، الرمان اللي كان ب10 جنيه، بقى سعره 20 جنية، وينهى حديثه بقوله: "أسعار الفاكهة كلها قابلة للزيادة مش للنقصان". فيما يرى إسلام نجيب البالغ من العمر22 عام، ويعمل بائع للأسماك في سوق سليمان جوهر بمنطقة الدقي أن أصحاب المزارع هم المتسببون في تلك الزيادات على حد قوله: "مفيش حاجة نزلت، كل يوم في زيادة، الدولار مش السبب الرئيسى للزيادة أو النقصان، التجار وأصحاب المزارع هما اللى عاملين كدة، السعر اللى هما زودوه مش عاوزين ينزلوه تانى، ويضيف: "البلطى الكيلو كان ب 12 جنية دلوقتى زاد بقى الكيلو ب 28 جنية، الزيادة لأكتر من الضعف، البورى كان الكيلو ب 35 جنية النهاردة ب 50 جنية، الجمبرى المستورد أصبح الكيلو ب 170 جنية، المكرونة كان ب 12 جنية بقى ب 25 جنية، البربونى كان الكيلو ب 22 جنية بقى الكيلو ب 35 جنية، ونتيجة ارتفاع الأسعار بقيت اشتغل يوم وعشرة لأ، الزباين فى الأول كانت بتيجى تشترى بالخمسة كيلو، دلوقتى مبقاش معاها حق تجيب اتنين كيلو، ويختم بقول: "مبقاش فيه لا بيع ولا شراء". "بنتعامل مع تجار فوضوية" هكذا بدا الوضع عند نجوى أحمد، 54 عام، أحد سكان منطقة الدقى، قائلة: "الأسعار زى مهيا، مفيش حاجة نزلت، الأسعار انخفضت فى الأجهزة الكهربائية فقط، لكن السلع الغذائية أسعارها لسة زى مهيا، الحل إن يبقى فيه رقابة على الأسعار، ويكون فيه مراقبة للتجار، لمهاجمة جشعهم". وتقول صاحبة محل لبيع الدواجن، بمنطقة الدقى، رفضت ذكر إسمها: "سعر الفراخ بينزل ويطلع كل يوم، يعنى النهاردة تنزل نص جنية بكرة تطلع 2 جنية، سعرها مش ثابت، كيلو الفراخ النهاردة ب 28 جنية كان من يومين ب 31 جنية، كيلو البانية كان ب 71 جنية من يومين النهاردة ب 68 جنية، الوراك الكيلو النهاردة ب 35 جنية من يومين كان ب 39 جنية، وتنتهى بقول: "الفراخ محدش عارف سعرها هيثبت امتى". .فيما شهد سوق بولاق الدكرور انخفاض ملحوظ لبعض السلع تقول "أم كريم"، بائعة خضراوات، أن أسعار بعض الخضراوات انخفضت كالبصل الذى وصل سعره إلى 5 جنيه والجزر الذى بلغ سعره 2 جنيه والباطس التى انخفضت سعرها إلى 3 جنيه، بينما استقر سعر البسلة والفاصوليا فى حين ارتفع سعر الباذنجان الأسود ل6 جنيه والفلفل الأخضر والألوان الذى تتراوح أسعاره من 10 إلى 12 جنيه، وتضيف السيدة الخمسينية: "الناس مبقتش تشترى كميات زى الأول بالعكس اللى بيجى بياخد ربع كيلو من اى نوع خضار سعره غالى وفى اللى يياخد الخضار اللى عندى من كذا يوم عشان بيكون أرخص"" الأسعار زى ما هى بقالها شهر مش بتزيد ولا بتقل"، يقولها "رمضان جبالى" 30 سنة،بائع خضراوات، مشيراً إلى أن ارتفاع الأسعار أدى إلى وقف حاله: "الكوسة ب6 جنيه والخيار ب8 جنيه والطماطم ب4 جنيه والأسعار دى بقالها شهر زى ما هى، بنجيبها من سوق العبور و6 أكتوبر غالية".وأشار "محمد محمود، بائع فاكهه، إلى وجود انخفاض طفيف فى سعر التفاح الأحمر الذى وصل سعره إلي17 جنيه وكذلك التفاح الأصفر الذى وصل سعره إلى 15 جنيه، بينما استقرت أسعار كلاً من الفراولة والموز، مشيراً إلى وجود ارتفاع كبير فى سعر البرتقال الذى بلغ سعره 6 جنيه: "فى ناس بتيجى تاخد فاكهه بالنص كيلو ودى ماكنتش بتحصل قبل كده".وأكد "مجدى فرج"، 27 سنة، صاحب محل عطارة، على انخفاض أسعار بعض البقوليات خلال الأيام الماضيه، حيث انخفض سعر العدس الأصفر ل20 جنيه للكيلو الواحد بعدما وصل سعرها ل25 جنيه".وأوضح "خالد محمد"، صاحب محل دواجن، أن هناك انخفاض مستمر فى أسعار الدواجن حيث بلغ وصل الكيلو الواحد ل29 جنيه بعدما ارتفع سعرها إلى 33 جنيه: "الفراخ كانت كل يوم بسعر بس بقالها يومين بتنزل بس الإقبال بقى ضعيف جداً حتى الهياكل محدش بقى بيشتريها رغم إن سعرها نزل ل10 جنيه ومحدش بيشترى منى" البانيه "غير أصحاب المطاعم لأن سعره وصل ل60 جنيه بعد ما الفراخ سعرها نزل""الأرز والسكر والزيت والسلع المهمة لسه سعرها زى ما هو"، يقولها "محمد حجازى "، 55 سنة، صاحب سوبرماركت".ويقول "عبد العال تمام"،61سنة، أن أسعار السلع تتزايد بشكل يومى بما يفوق قدرته المالية: "الأسعار كل يوم تزيد وبقيت اشترى اليوم بيومه وبلف السوق كله عشان أشترى أرخص حاجة وفى حاجات بطلت اشتريها زى الفراخ والفاكهه، لأن معاشي كله 400 جنيه".