بتول عرفة تهنئ دنيا سمير بعد اختيارها سفيرة للنوايا الحسنة: "تستاهلي"

هنأت المخرجة بتول عرفة، الفنانة دنيا سمير غانم، بعد اختيارها سفيرة للنوايا الحسنة تابعة لمنظمة "يونيسف".
وكتبت عرفة، عبر حسابها الشخصي على "تويتر": "مبروك لدنيا سمير غانم تنصيبها سفيرة للنوايا الحسنة، بجد مبسوطة أوي عشانها وفخورة بيها لأنها بجد تستاهل المنصب دا، مش علشان هي ما شاء الله فنانة محبوبة جدا، لكن عشان بجد دنيا طول عمرها، ويمكن من أكثر من عشر سنين، دائما كانت بتهتم بعمل الخير وبتعمل دا في صمت شديد".
وأضافت "كانت تبعت لنا كلنا علشان أعمال خير كتير، وتشرف عليها بنفسها وخصوصا اللي يخص الأطفال، مبروك يا حبيبتي وربنا يقدرك على عمل الخير دائما وبجد تستهلي اللقب دا".
وعلقت دنيا عليها: "ميرسي أوى يا بتول على كلام الجميل ده".