شذى تهاجم عبد الباسط حمودة: "غصب عنك فنانة"

ردت المطربة شذى على انتقاد المطرب عبد الباسط حمودة لها، بسبب سخريتها من المطربين الذين سبق لهم الغناء في شارع الهرم، وذلك خلال استضافته في حلقة برنامج "العاشرة مساء" على قناة "دريم".
قالت شذى عبر حسابها الشخصي على "فيس بوك": "بالنسبه للأستاذ عبد الباسط حموده انا سكت أول مرة، وقولت راجل كبير وعيب أرد، شارع الهرم اللي بنسبالك مقياس والموالد اللي واضح إن من كتر ما إنت غنيت فيهم مضيقينك، وبتحاول تعمل فيها متقبل الموضوع وبتقول وترد على نفسك، وأساسا محدش عاب على اللي بيغنوا في موالد ولا شارع الهرم كل واحد يغني مكان مهو حابب محدش يقدر يقيم حد ولا يحكم على حد، أنا فعلا محالفنيش الحظ الفظيع أن أغني فيهم اعملك إيه طيب".
وأضافت: "أنت ليه بتحاول تعمل حوار وموضوع، للأسف يا سي عبد الباسط انا مغنتش في موالد ولا غنيت في شارع الهرم ولا كنت مع اللي راحوا الهرم ولا بتنصل و الواقع ان فيه اختلاف ثقافات و تربية وأسلوب، أنا غصب عنك فنانة، مش عافيه مني ومش رأيي ده رأي الجهات المحترمة المعنيه بالفن المحترم زي دار الأوبرا اللي اتشرفت وكنت صوليست فيها وطبعا مش هتفهم معناها ف هترجمها لك بلغتك يعني بقدم "نمرة لوحدي"، على أوركسترا بيقودها دكتور سليم سحاب وواحدة تانية كان برئاسة الدكتورة رتيبه الحفني الله يرحمها".