شيتوس: بعض المحسوبين على الأهلي مجرد "أكذوبة".. وكلنا عارفين هما مين

قال لاعب الأهلي السابق، ومدرب الإنتاج الحربي الحالي، وائل رياض "شيتوس": "والله يا جماعة أنا حاسس بكل أهلاوي وعارف بيفكر إزاي وأنا قبل ما أكون كنت لاعب في الاهلي، أنا كنت مشجع درجة تالتة للنادي، اللي عشت فيه أكتر ماعشت في بيتي".
وتابع "شيتوس"، من خلال حسابه الشخصي، بموقع التواصل الاجتماعي "إنستجرام"، "الكلام اللي قولته كلام من قلبي وعلي فكرة موضوع إن الواحد منظم في كلامه وكده ده توفيق من ربنا مش شطارة من الواحد وده اللي اتربينا عليه جوة النادي".
واستطرد "شيتوس"، "اتربينا علي إن مشاكلنا جوانا مينفعش تطلع برة، اتعلمنا عدم الحقد علي بعض، اتعلمنا عدم إنتقاد بعض برة النادي، لكن صدقوني اللي بيعملوه بعض اللي بيحسبوا نفسهم من النادي، دول ملهمش علاقة بينا ولا بمبادئنا، دول أكذوبة وكلنا عارفين هما مين، من الآخر دول مش قادرين يصدقوا إن الاهلي فوق الجميع".