عمرو أديب: إسعاف المصابين بالطائرة أولى من استخدام "مرسي" لها في زيارتهم

اعتبر الإعلامي عمرو أديب، أن فقراء مصر هم الذين يدفعون ثمن الإهمال.
وقال أديب في برنامجه "القاهرة اليوم" على "أوربت"، "الفقير في البلد دي حيوان وريحته وحشة، ويداس عليه بالجزمة، لو كان الموجودون في القطار ناس مهمة كانوا اتحركوا، الفقراء بس هما اللي بيموتوا ويبردوا، الفقراء بس هما اللي بيكونوا عساكر أمن مركزي ويتعاملوا أسواء معاملة".
وانتقد أديب، زيارة الرئيس مرسي، للمصابين بطائرة في مستشفيات القوات المسلحة، في حين تأخرت أجهزة الإنقاذ عنهم، وأضاف "الرئيس النهاردة انتقل لمستشفى بطيارة ودخل مستشفى نظيفة ومنقلش مصاب واحد بالطيارة، فين على ما الناس جات وصحيت، ايه يعني البلد فيها 90 مليون ميموت اللي يموت".
وتعجّب أديب، من عدم خروج أي مسؤول للاعتذار، طالبا الرئيس مرسي بإقالة رئيس الوزراء، قائلا "هتفضل طول عمرك تقول دي تركة مبارك، طيب ما أحكم أنا وأقول دي تركة مبارك؟، هو رئيس الوزراء ده تشرشل، ما يمشي، مشيه يا أخي، انت مستني لما عدد الوفيات يبقى كام، هفضل على طول أقول يا مرساه يا مرساه يا مرساه شيل رئيس الوزراء".