الحملة تنشر أرقام التبرع للمؤسسات الأربعة عبر الهاتف.. وترفع شعار «هنبدأ 2014 فاكرين إخواتنا المرضى والمحتاجين» دشن نشطاء على فيسبوك حملة للاحتفال بالعام الجديد بالتبرع للفقراء والمرضى، تحت اسم « هنبدأ 2014 فاكرين إخواتنا المرضى والمحتاجين»، ودعت الحملة الراغبين للاشتراك فيها لإرسال رسالة بالموبايل، بقيمة التبرعات لحسابات مستشفى 57357 لعلاج سرطان الأطفال، ومؤسسة الدكتور مجدي يعقوب للقلب، وبنك الطعام ومشروع نهر الحياة، وذلك للمساهمة في علاج وكفالة المرضى والمحتاجين مع قدوم العام الجديد بعد أيام. وقالت الحملة في دعوتها: "وإحنا بنودع سنة بحلوها ومرها وبنستقبل سنة جديدة، كلنا بنتمنى تكون أحلى من اللي فاتت على كل شبر في مصر، وأيه رأيكم في فكرة بسيطة لعمل خيري نبتدي بيه 2014؟". وأضافت "ببساطة تنفيذ الفكرة مش هيكلفنا أكتر من تمن كارت شحن للموبايل فقط لا غير، وياريت كل حد فينا يرسل الدعوة لأصحابه وأصحابه يرسلوها لأصحابهم وهكذا، علشان نوصل لأكبر عدد من المتبرعين، ومحدش يقول إن المبلغ قليل وبسيط ومش هيفرق كتير، لأن جنيه واحد هيفرق في حياة إنسان مريض أو محتاج بجد". وأردفت " باختصارالتبرع هيكون ل 4 أماكن، عن طريق إرسال رسائل من الموبايل على الأرقام التالية، أولا هنبعت رسالة فاضية على رقم 57357 ب5 جنيهات، وبكده هنساعد في علاج طفل مصاب بمرض السرطان، لحساب مستشفى "57357 لعلاج سرطان الأطفال، وثانياً هنبعت رسالة فاضية على رقم 9698 ب5 جنيهات، وبكده هنساعد في علاج طفل مريض بالقلب، لحساب "مؤسسة مجدي يعقوب لأمراض القلب". وتابعت " وهنبعت رسالة فاضية على رقم 9595 ب5 جنيه، وبكده هنساعد أسرة فقيرة في الحصول على طعام مجاناً، لحساب "بنك الطعام المصري، ورسالة فيها حرف (N) على رقم 95535 ب5 جنيه، وبكده هنساعد أسرة فقيرة في انها تحصل على مياه نضيفة، لحساب مشروع نهر الحياة".