نجل الشاطر يستشهد بالصين في منع "فيس بوك وتويتر " ونشطاء يردون :هم اللي جابوكم من السجون الي السلطة"

قال سعد الشاطر نجل رجل الأعمال الإخواني خيرت الشاطر عبر حسابه الشخصي على الفيس بوك "في الصين مانعين فيسبوك وتويتر ويوتيوب ومريحين دماغهم ومحدش متضايق والحياة حلوة والجميع مبسوط وسلملي علي.. قال ايه تكميم الافواه اللي في مصر!
الأمر الذي قوبل برفض شديد من قبل نشطاء الفيس بوك , حيث ردت عليه واحدة من النشطاء بقولها: تكونش فاكر يا كابتن انكم بتمنوا علينا عشان الفيسبوك وتويتر !! دول موجودين يا بابا من قبل ما تشرفوا الحكم يعنى مش بقششة منكم خالص وبعدين ما الفيس وتويتر دول هما اللى جابوكم ومشوا الى قبلكم ،فعلا يا ريتهم كانوا مقفولين كنا ارتحنا منكم ومكنش حصل اللى حصل !! اه نسيت اقولك لما تبقى نهضتكم تحقق ربع اللى حققته الصين ابقى اتكلم وعايرنا لكن النهضة دى على رأى اللى قال "ابادة شعب" وسلملى على طائر النهضة".
وهناك ناشط اخر علق ب " لكنكم اضعف واغبي من تحقيق عشر تقدمها الاقتصادي"
واخر كتب : انتوا ليه فاكرين ان الحاجات دى شحاتة او انكم بتعطفوا علينا بيها بعد ثورة ؟ انتوا شغالين عند الشعب وفاشلين كمان .فلو عندكم فعلا دم مكتب ارشادكم بمرشدكم بريسكم وابوك معاهم وارحلوا عن مصر لان نهايتكم مش لطيفة .