عم حفني.. حكومة الكوبونات بداية انقلاب الجياع علي مرسي

"من راجل فقير غلبان ارحل يا مرسي يا بياع الكلام، انت بتهدم كل اللي عمله ناصر والسادات".. كلمات قالها رجل طويل القامة، ذو بشرة سمراء، يرتدي جلبابا وعمة صعيدية ويتحدث بلهجة نوبية يصعب فهمها أحيانا ويدعي سعد محمود حفني، يبلغ من العمر 60 عاما جاء من محافظة أسوان من الصعيد الجواني كما يقولون ليوجه رسالة الي كلا من رئيسي الجمهورية ومجلس الوزراء نصها "ثلاثة أرغفة عيش بالكوبون للراجل اللي شغال في الخرسانه أو الحديد المسلح أو الفلاح يعملوا له ايه يا مرسي.
هنا أعلن "حفني" انفعاله الشديد وضيقه من تصرفات وسلوكيات وسياسات الحكومة القائمة، قائلا "لو أن هذا المواطن اللي أخذ كوبون العيش لسه جعان بعد الثلاثة أرغفه يعمل ايه ويشتغل إزاي، والناس في التحرير سلميين فيهم اللي معاه يافطة واللي بيهتف بس انت حكومتك يا قنديل بتحدف قنابل مسيلة للدموع علي السلميين وبتضرب وبتسحل بنفس الاسلوب اللي كان بيعمله نظام مبارك ثم تسائل هل قمنا بالثورة الماضية الا لأجل اسقاط ذلك يادكتور مرسي، لصالح من يحدث ذلك ".
وطالب حفني بإسقاط حكومة قنديل التي يطلق عليها حكومة الكوبونات وقيادات الاخوان الذين تحكموا في كافة مؤسسات الدولة، رافعا لافته خشبية مكتوبا عليها "ياقنديل يا شايل الطين انت ووزير التموين ثلاثة أرغفة عيش يعملوا ايه للفقير"، موجها رسالته إلي الرئيس محمد مرسي نصها "محدش حيضحك علينا تاني، احنا الشعب المصري 90 مليون واحد، لو متنا في عيال صغيرة طالعة ما اتخلقش اللي يقدر يضيغ كرامه المصري، يا مرسي انت بتقول إن الدولة لن تفلس طيب انت شايف يا مفتري إن ثلاثة أرغفه تكفيه انه ما يفلسش، انت فصلت الجلابيه علي قدك وجماعتك وعشيرتك ومعك رجالك، طيب الشعب الغلبان ده يعمل ايه".
كما وجه رسالة ثانية لرئيس حكومته قائلا "انت بتخلق فتنه في أسوان، المحافظة دي مش للنوبيين بس ولا انت عايزنا نسيب أسوان للنوبيين واحنا المطاعنة نبيع ليمون"، انت كده عايز تبدأ ثورة جياع".