حالة من الانتقاد تعرضت له النجمة مي عز الدين بعد عرض أولي حلقات مسلسلها "البرنسيسة بيسة"، الأمر الذي دفع الفنان محمد جمعه لمساندة مي،رغم أن العمل ربما ينال إعجاب عدد كبير من الجمهور سواء في مصر أو خارجها في ظل الشعبية الكبيرة التي تحظي بها. ونشر جمعه عبر صفحته علي موقع التواصل الاجتماعي صورة لمي عزي الدين معلقا عليها: "مي عز الدين.. البنت الجميلة الجدعة الطيبة اللي كل اللي يعرفها شخصيا بيحبها قوي". وتابع : "امتعتنا كتيييييير قوي بأعمال مثلتها ومش هاعد علشان هما كتير قوي". وأضاف جمعه : "مي عز الدين من أشطر بنات جيلها ممثلة متمكنة قدرت بمجهودها ودي حاجه أشهد عليها أنها تكون نجمة صف أول تعمل مسلسلات وأفلام بطولتها". وأوضح :" زيها زي أي ممثل طول الوقت بيجتهد علي أمل النجاح وحب الناس وده أصعب حاجة في الشغلانة دي واللي بيشتغل معانا في الوسط يعلم مدي الصعوبه في إرضاء الجمهور، ممكن تكون السنة دي عملت مسلسل معجبش الناس وده وارد أعظم ممثلين العالم عملوا أعمال مالاقتش نجاح الجمهور ودي سنة الحياة،لكن الأكيد واللي يتفق معايا فيه كل اصدقائنا في المهنة أنها تعبت في هذا العمل وتعبت بجد لو معجبكش المسلسل ده حقك.. لكن بلاش تبقي سكينه تدبح بيها موهبة من أهم مواهب مصر". واختتم قائلا :" مي أنا بحبك جدا برغم إننا مش أصدقاء.. بحب فنك وبحب اخلاصك لشغلك وتعبك فيه.. ومنتظر تمتعينا بعمل جديد السنة الجاية.. وأنا واثق إنك قد المسؤلية".