شاهد.. رد فعل المارة على كفيف يحمل لافته: "نفسي حد يتفرج معايا بكره على الماتش"

"نفسي حد يتفرج معايا بكره على الماتش"، لافتة حملها شاب "كفيف"، فى مشهد تمثيلى يظهر تراحم المصريين فى شهر رمضان الفضيل، عرضه برنامج "ورطة إنسانية"، الذي يُعرض على فضائية "دي إم سي"، حيث عرض البرنامج، الكفيف وهو يحمل اللافته ويطالب المارة بأن يشاهدو اللماتش معه، ورد فعل المترددين على المحل



ووقف "الكفيف" فى الشارع حاملاً اللافته طالباً من المارة مساعده فى مشاهدة الماتش غداً معه، وشرح له متظاهراً أنه أول مرة يُشاهد ماتشاً، لتبادره سيدة قائلة "إيه ده؟"ليرد الشاب:"انا عمرى ما إتفرجت على الماتش على القهوة فمحتاج يتفرج معايا، "لترد من حقك طبعا زى اى مواطن ، تيجى تنورنى فى شبرا هخلى جوزى يقعد معاك ويتفرج معاك متقلقش خالص".
وخلال المشهد يظهر شاب مُهندم فى ملابسه مصافحاً الكفيف قائلاً" أنا من الشرقية تيجى تتفرج معايا، ولا أجى أتفرج أنا معاك "، فى مشهد يُظهر شهامة الشاب ، فيما سارعت فتاة تحمل طفلها على ذراعيها حينما رأت الكفيف قائلة:"أنا مبتفجرش على ماتشات بس انا علشان شوفتك جيت أقولك ان شاء الله هتلاقى حد يتفرج معاك".

وخلال لقطة فى المشهد التمثيلى، ظهر شاب آخر يستقل دراجة بخارية، وهو يقول للكفيف، "ياعم عنينا هجى أتفرج معاك ، بس هطلب منك طلب، تقف فى الظل احسن "، و يبادر شخص ثلاثينى قائلاً" هتقعد معايا لحد بكرة ولا هتعمل ايه ،ليرد الكفيف، انا ممكن أروح وأجيلك بكرة نتقابل وشوف هتقابلنى فين، ويتبادلا أرقام الهواتف المحمولة".
ويظهر الفيديو، سيدة وهى تقول للكفيف"هتفرج معاك على الماتش تيجى معايا ، هنقعد على قهوة تبعنا فى جسر السويس".
.