فيفي عبده: "توبة أسافر أشجع المنتخب تاني" (فيدبو)

قالت الفنانة فيفى عبده، عن سفرها لتشجيع المنتخب الوطنى في مباراته مع روسيا في المونديال، "أعتذر وهشوف الجهة اللى سفرتنى وهدفع لها ثمن التذكرة، وتوبة أسافر تاني مع المنتخب في أي مكان".

وأضافت خلال لقائها ببرنامج "العاشرة مساء" المذاع عبر فضائية "دريم": "الشجرة المثمرة دائمًا يتم حدفها بالطوب، وأى هجوم عليا مكسب لي، أحنا فوجئنا بأن الناس بتهاجمنا، والدنيا اتقلبت علينا 180 درجة في حاجة ملناش دعوة بها خالص، والفنانين متصوروش مع لاعبى المنتخب وسافرنا حبا في مصر".

وشنت فيفى عبده، هجومًا حادًا على الناقدة ماجدة عادل خير الله، بعد انتقادها سفر وفد الفنانين المصريين لروسيا، قائلة: "لو تلقيتي تذكرة للسفر إلى روسيا وتشجيع المنتخب مش هتقبلي يا ماجدة، روحى شوفى كيس لب، وعيب لما تتكلمى علينا بالشكل ده خالص، ومش هنسيب حقنا".

وأضافت: "لو التذكرة مضايقة الدنيا، أنا هدفع ثمن 10 تذاكر، وكل فنان يدفع تذكرته ومش عاوزينها بس إحنا مش سبب خسارة المنتخب، وياريت ما روحت وياريت مت قبل ما أروح".