الست لما..

سلامو عليكو أزيك يا حبيبتى
-- أهلًا
هو إيه اللى أهلًا... مالك ؟
-- مافيش
مافيش إزاى أنا داخل من باب الشقة بقولك أزيك بتقوليلى أهلًا... فى إيه ؟
-- مافيش
اللهم طولك ياروح.. يا حبيبتى وشك مقلضم ومكشرة.. أكيد فى حاجة.. إيه اللى مزعلك
-- يووووه قولت مافيش
خلاص مافيش مافيش
-- خد هنا تعالى.. أنت أهبل ؟ هو إيه اللى خلاص
ما أنا بقالى ساعة عمال بسألك مالك وأنتى ما بتقوليش غير مافيش.. مطلوب منى أعمل إيه تانى ؟
-- المفروض تقعد ساعتين تسألنى مالك وأنا أفضل أقول مافيش، وبعدين تقعد ساعة ونص بتحاول تنكوشنى وتحلف عليا أقول فى إيه، وبعد كده اتنرفز عليك شوية، وأقولك سيبنى لوحدى دلوقت وبعدين تاخدنى فى حضنك وتحلف ما هاتسيبنى غير لما تعرف مالى، علشان أنا حياتك ونور عينك... بس يا سيدى وبعدين أنا هاقولك مافيش برضو ولما أهدى هبقى أقولك
هاااار أسوح... إيه الدماغ دى ؟...طب ما أنا عندى حل أحلى بكتير يا حبيبتى
-- حل إيه ؟
أنتى طالق يا حياتى