فريدة سيف النصر تتقدم ببلاغ للنائب العام ضد التيك توك.. لهذا السبب

قدمت الفنانة فريدة سيف النصر بلاغ للنائب العام وذلك ضد عدد من صناع المحتوى عبر موقع التواصل الاجتماعي "تيك توك"، متهمة إياهم بالإساءة إليها كما طالبت فريدة في بلاغها بغلق التيك توك.
وكتبت فريدة عبر حسابها بموقع التواصل الاجتماعي " فيس بوك"، "من اللهو الخفي، رئيسة العصابة، الرجل التاني... إلى سيادة النائب العام وسيادة نقيبنا د. أشرف أول قضية: اقفلوا التيك توك في مصر، إحنا عندنا ناس لهم اتجاهات مريضة، ما ينفعش نديهم ميكروفون وشاشة ويقعدوا يبرطعوا كده، دول قنابل موقوتة كلها حقد ومصالح، بث السم في العسل. نصيحة: اقفلوه".
أضافت، "حد يقوليج: نرفع قضية عليهم إزاي بتوع التيك عوك دول؟ وتعويض بقي ونشوف الملايين اللي بقت مع بتوع القضية عيلة صغيرة معدية العشرين مليون وكلها معاه ملايين والملاليم مع زعيمة العصابة اللي هي حضرتي طيب إزاي؟".
تابعت، "كده إحنا بقينا في قمة انحطاط السوشيال ميديا. اللي مزقوق على حد أو لغرض ما يقول ما بداله ويقبض لا والله هي ما تمشيش كده هو مش هزار أو خفة دم، دي سمعة حد من بيت محترم، طلع عينه لوحده وعاش أقل من العادي علشان يفضل محترم. والعجيب إن الزملاء دول عمري ما اشتغلت معاهم سينما أو مسلسلات، ولا خرجت، ولا اتعزمت، مافيش صلة أصلاً، غير بدريه من تلاتين سنة مسرح وزوجها كان الملقن وراجل طيب".
واختتمت حديثها قائلة: "أنا بلغت النقيب ودخلت صفحاتهم أنا مش أحسن من اللي شاتمينهم المؤسسات والرئاسة والدنيا زايتة عندهم الست دي بلقيس بتقول إنها نبيه وجالها وحي... وهو الوحي جابني ليكي في نافوخك أنا عايزة حق أهلي وابني وأحفادي وعمري اللي ضيعته اتحاشى كل غلط علشان أفضل محترمة كل اللي حيلتي الاحترام وحبكم، ولو تشوفوا دفاع الناس بالدنيا واللي عليها... توكلت على الله".
تم نسخ الرابط