أسامة منير يشكو من انقطاع الكهرباء :"مينفعش أبقى عايش بالشكل دا!"

أعرب الإعلامي الشهير أسامة منير عن استيائه من استمرار انقطاع الكهرباء بشكل دائم خلال الفترة الحالية ، كما وجه رسالة لوزير الكهرباء يطلب فيها أن يخرج للمصريين ليشرح لهم سبب هذه الأزمة.
أسامة منير يشكو من تكرار انقطاع الكهرباء
وخلال مقطع فيديو له عبر حسابه بموقع "فيسبوك"، قال أسامة منير :"حالنا واقف مش عارف أصور.. الدنيا خربانة، آسف إني بصورلكم في الضلمة لأني معنديش كهرباء في المكتب، الكهرباء قطعت، وعايز أسأل الامتحان اللي نزلتهولنا وزارة الكهربا بورقة المواعيد، دا معناه أيه، دي حاجة ما خدنهاش في المنهج هنجاوب عليها أزاي".
كما واصل حديثه :"بما أن المنهج كان صعب أوي للدرجة دي، عايز أسأل حضراتكم وممكن تجاوبوني، هي من إلا عشرة إلى و10 هتقطع، ولا من إلا عشرة هتقطع ساعة، أو و10 هتقطع ساعة، أو من إلا عشرة حتي و10، أو أي وقت هتقطع ساعة، طيب من إلا عشرة حتي وعشرة أي ساعة. يعني الصبح الظهر أو بالليل".
أيضاً وجه رسالة لوزير الكهرباء قال فيها :"أنا النهاردة مينفعش أبقى عايش بالشكل دا، وعندي سؤال (هو انقطاع الكهرباء بقى رسمي؟) أول مرة في حياتنا نشوف انقطاع الكهرباء بقى معتمد بجدول، هو أحنا وصلنا للجدول وصلنا لأن يكون انقطاع الكهرباء بجدول رسمي!".
وأضاف: "السيد وزير الكهرباء تهل علينا بطلعتك البهية، تقول لنا أي حاجة، تحكي لنا، يمكن نتعاطف معاك ونحس بحجم الأزمة، أنما تسيبنا كدا".
أيضاً أكد لضرر المستشفيات من هذه الأزمة، إذ قال :"حاجة تانية: المستشفيات اللي فيها عمليات جراحية، والناس اللي علي أجهزة تنفس صناعي، والناس اللي في العناية المركزة، والأطفال المولودة وكبار السن، هنعمل فيهم أيه.. دي مصيبة في حد ذاتها!".
واسترسل: "الحمد لله طبعًا ونشكر ربنا، إن حفلة الأستاذ تامر حسني والاستاذ عمرو دياب لم ينقطع فيهم الكهرباء، لأن لو انقطعت الكهرباء في الحفلتين كان حدث تحرشات، وكانت بقيت مجازر في الحفلة".
وأنهى حديثه لافتاً :"أسأل وزير الكهرباء يتعطف علينا ويصور لنا فيديو يشرح لنا فيه الوضع لنتعاطف معك ونتحمل، كلنا نقدر نتحمل المسئولية وكلنا بنحب بلدنا ونتحمل بلدنا وعايزين نشوفها أحسن بلد في الدنيا، لكن شاركونا الحدوتة، والفكرة، علشان نفهم".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا