أسعار الساحل الشمالي ونجوم الفن.. بين منتقد ومتقبل

لايزال أسعار الساحل الشمالي حديث مواقع التواصل الاجتماعي ونجوم الفن مؤخراً ، خاصةً مع زيادة الحرارة ودخول فصل الصيف، حيث انقسم بعضهم بين متقبل وناقد لهذه الأسعار.
أسعار الساحل الشمالي ونجوم الفن
خالد يوسف
انتقد المخرج الكبير خالد يوسف أسعار الساحل خلال الساعات الماضية، إذ أكد أنها لا تناسب أغلب المصريين، كاتباً :"بجد ومش تحيز لبلدنا ده واحد من أجمل شواطيء العالم شاطيء الساحل الشمالي بمصر".
وأضاف: " يا خسارة الحلو ما بيكملش لأنه واحد من أغلى شواطئ العالم في تكلفة الإقامة والمعيشة، لدرجة إني أكاد أجزم أنه لا يستطيع الاستمتاع به غير 5% من أهل مصر".
جوري بكر
أيضاً هاجمت الفنانة جوري بكر ارتفاع اسعار الساحل بدرجة مهولة، إذ كتبت بموقع إنستجرام :"أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا إن جوزي بيحب يروح هناك مكنتش جيت".
كما تابعت: "فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس إيه الأسعار دي؟".
واسترسل حديثه :"أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفيا بتسرقوا الناس، عشان يومين تلاتة جايين ينبسطوا فيهم فيالا تعالى أستغلك وأطلع كل الفلوس اللي في جيبك، يعني إيه عيل صغير يروح يجيب إزازة مياه ب 200 جنيه، هي مياه من الجنة!".
هاني رمزي
على الجانب الآخر ، أكد الفنان هاني رمزي أن الأسعار طبيعية، متابعاً: "مفيش غلاء في الساحل الشمالي زي ما بيقولوا وأنا قاعد في الساحل الشرير والحاجة اللي بجنيه سعرها هنا بجنيه وربع مش أكتر، ومفيش زجاجة مياه ب200 جنيه، واللي ردد الشائعة عالم بتهري وخلاص".
إسلام إبراهيم
كذلك علق الفنان إسلام إبراهيم ساخراً على ارتفاع أسعار الساحل، إذ كتب : "تم بحمد الله تهريب اثنين زجاجة مياه وأربعة باكو بسكوت إلى البيتش محدش بياكلها بالساحل".
ونقدم لكم من خلال المستقبل تغطية شاملة لكل أخبار الطقس والأرصاد الجوية وأسعار الذهب وأخبار مصر وأخبار السعودية والأخبار المحلية وأخبار الاقتصاد وأسعار العملات وسعر الدولار و أسعار الدواجن اليوم وأسعار اللحوم وأسعار مواد البناء والحديد ومواعيد القطارات وأخبار الفن ، يقوم فريق المستقبل بتغطية كافة الأحداث الرياضية مثل الدوري المصري والدوري الإنجليزي والدوري السعودي والدوري الإسباني وكافة البطولات الأوروبية والعالمية ودوري أبطال أفريقيا