بسبب المساكنة.. المذيعة سارة نخلة تفتح النار على دعاء فاروق

ردت الإعلامية والفنانة سارة نخلة على هجوم دعاء فاروق عليها بسبب حلقتها المثيرة للجدل مع الفنانة بسنت النبراوي والتي ناقشت فيها فقرة المساكنة قبل الزواج.
رد سارة نخلة على دعاء فاروق
وعبر حسابها الرسمي على موقع "فيسبوك" كتبت سارة نخلة :"سؤال المساكنة هو سؤالي والمذيعة هي أنا وبرنامج فيس أوف هو برنامجي وقناة هي هي بيتي واستاذ ايهاب جلال هو معلمي واستاذي عشان كدا انا محترمة كل ماسبق ولم ارد على التريند وقاعدة بتفرج".
وتابعت :"وهارد في برنامجي برضو وقدام كاميرتي برضو على المذيعة دعاء اللي طالعة تنتقد وتهاجم من غير ما حتى تعذب نفسها وتتفرج على الحلقة كل إلى شافته خبر خبرين تلاتة مكتوبين أن بسنت النبراوي قالت ممكن أعمل مساكنة لو مش حرام".
وواصلت حديثها :"الأستاذة دعاء قرت الخبر وقررت انها تهاجم وتركب تريند حتى قبل ما تشوف الحلقة وقال ايه انتو بتتكلموا عن المساكنة كدا عادي! طيب حضرتك اتفرجي الاول شوفي قولنا ايه، ولا في موجة وفي تريند الحق نفسي واعلق بسرعة!".
واستكملت :"انا سارة نخلة انا هي المذيعه اللي حضرتك بتهاجميها ومع ذلك انا فضلت ساكتة مبارح، ولكن النهاردة برضو استاذ تامر امين المحترم طلع يتكلم عن الموضوع وقال بسنب عليها هجوم عشان معرفش فين ومع مين حصل دا".
وأضافت :"طب برضو حضرتك ممكن تفتح الحلقة وتتفرج عشان تعرف اللي حصل، وانت عارفني كويس جدا جدا ومن زمان اوي، وبحترمك جدا وفي بينا كل المودة والاحترام المفروض انك تذكر إلى شوفته بجد مش تقول معرفش فين وامتى".
تصريحات دعاء فاروق ضدها
وكانت هاجمت الإعلامية دعاء فاروق الجدل المُثار حول فكرة المساكنة دون الزواج بعد أن تحدثت عنها الفنانة بسنت النبراوي في أحد اللقاءات التليفزيونية.
فقالت دعاء :"ازاى يناقش موضوع المُساكنة، لا وبنجيب الشباب والبنات في مصر ونسألهم عن المساكنة.. تحب تعمل مساكنة ولا لأ".
واستنكرت :"يعني أنت بتجيب بنتك وتسألها تحبي تزني، أنتوا إزاي بتناقشوا موضوع الزنا، ملناش دعوة في اتنين عملوا كده في مكان لا يناسب عاداتنا وتقاليدنا ولا حياتنا".
وأضافت :"بعدين ألاقي بنت تتسأل عن المساكنة فتقول لو مش حرام آه هعمل المساكنة، غيري كلمة المساكنة وبدليها بزنا".
وأنهت حديثها معبرةً :"حضرتك تحبي تزني قبل الزواج، والبنات تقول آه لو مش حرام، يعني إحنا ممكن الصبح نغير اسم بيوت الدعارة ب بيوت السعادة وننزل نسأل الطلاب تحب تروح بيت السعادة ويقولوا آه".