عمرو مصطفى يثير الجدل من جديد بآراءه عن دمج الذكاء الاصطناعي بالفن

تحدث الفنان عمرو مصطفى عن خاصية دمج الذكاء الاصطناعي بالفن وإعادة إحياء أصوات نجوم الزمن الجميل من خلال هذه التقنية، وذلك خلال لقائه ببرنامج ET بالعربي.
تصريحات جديدة ل عمرو مصطفى
وخلال لقائه قال عمرو عن هذه التقنية :"أنا شايف أن ورثة كل العظماء اللي توفوا جاتلهم الفرصة أن يحيوا ذكراهم بأغنية جديدة، الورثة نفسهم ممكن يختاروها وكمان الجمهور".
وتابع حديثه :" وأنا بعتبر مي فاروق من أهم الأصوات المصرية، ومش غرور بس أنا اسمي وشغلي وال 30 سنة اللي اشتغلتهم يسمحولي إني أجرب وأشوف".
وأضاف:"الصناعة وصلت لدرجة كبيرة من الانحدار في وطننا العربي كله، وعشان نقدر نعمل حاجة نرتقي بيها بالشعوب العربية رجعنا للتراث والمزيكا والموسيقى الشرقية".
كما كشف عن نيته في تقديم أغنية لأم كلثوم متابعاً:"أغنية افتكرلك إيه هتنزل كاملة بصوت أم كلثوم بعد ما اتصالحت مع الورثة، وإحنا سايبين الجمهور يحكم، وهاخد كل كلام الجمهور وهروح بيه لأسرة أم كلثوم وأقولهم ده حكم الجمهور لو تمام هتنزل الأغنية".
واستكمل :"دلوقتي اللي مسؤول عن الفن المنتجين، ولكن زمان اللي كان مسؤول عن الفن الفنان زي عبد الحليم حافظ ومحمد عبد الوهاب الله يرحمهم، ودلوقتي لما الفن راح للتجار اتدمر".
وأنهى حديثه لافتاً:"لازم الفن يرجع تاني للفنانين وأنا اللي هرجعه وأنا أنا منتقدتش مطربين المهرجانات هما اللي أخدوا ألحاني، وإحنا ضد الفساد اللي بيقدموه داخل المهرجانات مش ضد المهرجانات.