سارة الشامي تروي كواليس تعافيها من مرض نفسي.. تفاصيل

حلت الفنانة سارة الشامي ضيفة ببرنامج "الستات مايعرفوش يكدبوا"، وتحدثت عن كواليس معانتها من مرض نفسي وتفاصيل علاجها منه بكراسة الامتنان.
معاناة سارة الشامي من مرض نفسي
وخلال لقائها قالت سارة :"كنت بقلق من كل حاجة، وبالذات بخاف علي أهلي، وكنت فاكرة الناس كلها بتفكر كده عادي" .
وتابعت حديثها :" وبعد كده الموضوع بدأ يزيد معايا بشكل أكبر بقيت بخاف وأنا سايقة وأوقات بخاف أنام يجيلي خبر وحش وأنا نايمة".
واسترسلت حديثها :"ماخدتش أدوية مع إن الدكتور قالي علي أدوية ولكن استعنت بكراسة الامتنان كنت كتب فيها كل الحاجات اللي ممتنة لها".
تألقها الأخير
كما تطرقت للحديث عن أعمالها الرمضانية الماضية فقالت :"من حظي الحلو إن محصلش تعارض في مواعيد التصوير بين أدواري في مسلسل حرب ومسلسل مذكرات زوج، لأني أول ما خلصت تصوير مذكرات زوج دخلت في تصوير حرب".
وواصلت:"كنت بحب شخصية يارا في مسلسل مذكرات زوج، وهي لذيذة جدا وكل البنات جواهم حتة شبه يارا، إنهم متعقدين من العلاقات بسبب علاقات فاشلة خاضوها، وخلاص قرروا إنهم مش هيرتبطوا، وبيظهر واحد في حياتها بيشقلبلها حياتها".
ولفتت :"أنا مقدرش أعمل زي يارا شخصيتي في المسلسل، لأني مقدرش أكون مع حد طول ما أنا معاه حاطة إيدي على قلبي وبقول هيخوني إمتى".
وأكدت :"بس يارا بتشبهني وأنا أصغر شوية وفي مراحل حياتي القديمة، في الجانب المتسرع ليها، وأنا عموما بقيت أنضج بكتير وباخد وقتي في التفكير".
وأنهت حديثها لافتةً :" وفي كل مرحلة في حياتي بتعلم وبنضج، ومثلا كنت بتضايق لما أهلي يرفضوا إني أسافر مع صحابي وأنا صغيرة، بس دلوقتي بشكرهم إنهم عملوا كدة لأني بقيت حاسة بكل مرحلة في حياتي بشكل أصح".