جلسة التصوير المثيرة وزواجها من ملياردير .. أبرز تصريحات ميرنا وليد

نفت الفنانة ميرنا وليد حقيقة زواجها من ملياردير، مشيرة إلي أن زوجها كابتن طيار في مصر للطيران.
وقالت ميرنا وليد، خلال لقائها في برنامج «كلام الناس»، الذي تقدمه الإعلامية ياسمين عز: «أنا يمكن اتجوزت واحد ملياردير بمشاعره، لكن أنا في الآخر جوزي موظف، وهو كابتن طيار في شركة مصر للطيران، يعني ولا رجل أعمال ولا عنده شغل خاص».
وأضافت ميرنا وليد، أن أصعب شيء على المرأة هو كتابتها لعقد زواجها، لأني عندما كتبت عقد زواجي كان أمر صعب بالنسبة لها.
وتابعت: أنا دايما بشوف أن أصعب عقد ممكن تكتبيه في حياتك عقد جوازك، لأسباب كثيرة جداً لأنك فجأة بتقرري أن راجل دونا عن كل رجالة العالم هيبقى شريك حياتك ومعاكي في تفاصيل حياتك كلها، في مشاكلك في حزنك في زعلك في نجاحك، في كل حاجة، دي حاجة صعبة أوي، لما جيت أمضي عقد الجواز كنت مستصعبة الدنيا جدا، وجوزي كان عارف عني القصة دي، ولما قالي نتجوز قولت له طيب، بس قالي بصي لو قولتي أه، هنكتب الكتاب بكرة، والفرح برحتك، وقعد معايا يكلمني طول الليل، لغايت مكتبنا الكتاب الصبح».
وأوضحت ميرنا وليد :"بعد زواجي بشهر كانت حامل في ابنتها الأولى، وكانت تشارك في ذلك الوقت في مسلسل «ما تخافوش» مع نور الشريف، وبسبب حملي تم حذف نصف دوري".
وأكملت ميرنا وليد: "كنت ألعب دور مديرة مكتب نور الشريف، ويفترض أني مخطوبة ورشيقة، وبدأت علامات الحمل تظهر بوضوح علي، فطلبت من القائمين على المسلسل الانتهاء من دوري سريعا، لكنهم تأخروا في تنفيذ الديكور، وكان نور الشريف يطلب مني الجلوس في مشاهدي بسبب تغير شكلي، وبعد ولادة ابنتي الأولى بفترة قصيرة حملت في ابنتي الثانية، والحمل عطلني حوالي ثلاث سنوات، وفي الشهر السابع من الحمل الثاني قامت الثورة وتعطل الإنتاج الفني لعدة سنوات".
وأضافت: «معنديش شغل تاني نهائي، وبكون محتاجة مصاريف كتير في حياتي، لكن عندي الشجاعة، ودي إرادة من ربنا إن لو عمل لم أعجب به لا أتعاقد عليه، لأن الفلوس في الآخر بتتصرف، لكن أنا بحب العمل لا المال».
وتابعت: «هزعل من نفسي لو نزلت الأستوديو غصب عني، ومرة كنت محتاجة فلوس جدا، وأخذت عربون وروحت ومعرفتش أنام، وبقيت منتظرة النهار يطلع عشان أكلم المنتج وأرجع العربون، وكنت هكلمه واصحيه الفجر عشان ارجعه».
ولفتت ميرنا وليد إلى أن «المنتج مكنش راضى أرجع العربون وألغى العقد، لكن قولتله انت جديد في الإنتاج ونصيحة أخت مش هشتغلك غصب عنى، وفي ناس قلبوا عليا عشان اعتذرتلهم عن عمل».
وتحدثت الفنانة ميرنا وليد عن جلسة التصوير المثيرة للجدل، التي خضعت لها منذ فترة، على شاطئ البحر، وكانت حديث السوشيال ميديا.
وقالت ميرنا وليد إنني بشكل عام يمكن قليل أوي لما بلبس فساتين، يمكن الناس قليل لما بتشوفني لابسه فساتين، بطبيعتي بلبس «جينز« و«تي شيرت»، والناس ما عرفش ليه توقعوا علشان أنا غايبة بقالي فترة إني لازم أرجع كبيرة جدا في السن". مضيفة "في ناس قالت على الصور إنها من 20 سنة، وإني محتفظة بالصور ونزلتها، وأنا طبعا ضحكت".
وتابعت: "أنتوا ليه متوقعين إني دا مش شكلي وإني قعبرت، وهل الناس شافتني قبل كده في أي عمل حاطة "دقيق" على جسمي، وهل أنا من أول "الراعي والنساء" لحد النهاردة، شوفتوني كنت سمراء أوي، وبعدها لقيتوني عاملة سيشن بيضاء، بس يمكن علشان كنت مش بلبس فساتين".
وأضافت ميرنا: "بس الناس مش قادرة تصدق إني لما بعتذر عن دور معناها علشان أنا مش محتاجة الفلوس، بس أنا الحمد لله عندي الشجاعة، لو عمل مش عاجبني حتى لو محتاجة فلوسه بقول لأ"، أنا ماعنديش شغلانة تانية، وشغلانتنا دي بتحتاج مصاريف كتير".
وأكملت ميرنا: "الفلوس اللي أخدتها في شغلي أنا مش فاكرة صرفتها في إيه، بس لما بيتعرض لي عمل ببقى حابة أتفرج عليه لأني عاملاه بحب ومقتنعة بيه، مش عايزة أنزل استديو أحس إن أنا اشتغل حاجة غصب عني علشان الفلوس".
وأوضحت ميرنا وليد أن ولادها وولادتها من أصول لبنانية وهي تحمل الجنسية المصرية واللبنانية.