بعيداً عن الكوميديا.. هل يخوض أحمد حلمي تجربة أفلام الرعب؟

كشف الفنان أحمد حلمي عن إمكانية تقديمه لأدوار جديدة مختلفة عن ما قدمه من أدوار كوميديا واجتماعية، وذلك خلال لقائه ببرنامج عيشها بإنرجي عبر محطة راديو إنرجي.
امكانية تقديم أحمد حلمي لأدوار جديدة
وقال حلمي خلال لقائه عن امكانية تقديمه لأفلام الرعب :"آه طبعا جدا، وممكن أعمل أي دور، وأنا ديما بدور على إني أقدم حاجة تأثر في المشاهد، أوتخرج منها تفكر، والدنيا وجهات نظر".
وواصل :"وأنا إما بلاقي فيلم مبيقدمش حاجة زي دي بستخسر أعمله، المواضيع الإنسانية مهمة أوي".
ولفت: " أنا بحب السينما البلاك كوميديا أوي جايز عشان أنا برسم، والرسم له نظرة فنية حببني في الحتة دي، والفنان في بداية طريقه محتاج حد يسوقه والموهبة لوحدها مش كفاية".
وتابع :"وممكن شخص طبعه دايما صامت ويكون بيضحك جامد جدا.. زي الفنان نجيب الريحاني أو دريد لحام.. هما بيقدموا قمة الكوميديا ولكن لما تقابلهم مبتلاقوش شبه اللي بيقدموه".
كما كشف رأيه في المنصات الإلكترونية الحالية فقال :"المنصات الرقمية فيها ميزة حلوة بالنسبة للفنانين إنها مدفوعة الأجر.. وكأن اللي بيشترك فيها دافع فلوس وجايلك وده فيه قيمة حلوة".
وأضاف :" واللي بيتقدم على المنصة مفيهوش حسابات البوكس أوفيس، ولكن فيه حسابات تانية إنه إزاي يعجب الناس".
وكان شارك الفنان حلمي في المسرح من جديد بعد غياب دام 21 عام، وذلك بمسرحية بعنوان "ميمو" والتي عرضت بموسم الرياض بالسعودية.
وخاض بجانبه بطولة المسرحية عدد من نجوم الفن أبرزهم: هنا الزاهد وهنا شيحة وأحمد رزق ومحمد رضوان وحمدي المرغني، والمنتج حمدي بدر.