بعد جدل صوت مصر الأول.. حقيقة تعطيل أنغام ل حسابات شيرين عبدالوهاب

انتشرت العديد من الشائعات التي تفيد بخلاف الفنانة أنغام مع شيرين عبدالوهاب وقيام الأولى بتعطيل حسابات شيرين عبر مواقع التواصل الإجتماعي، وذلك بعد جدل صوت مصر الأول.
حقيقة تعطيل أنغام ل حسابات شيرين عبدالوهاب
من جانبه قام إيهاب صلاح مدير أعمال الفنانة شيرين بالرد على هذه الأقاويل قائلا ً :"هام لكل جمهور شيرين و أنغام، شايف بقالي كذا يوم كلام كتير رايح جاي في قصة الالقاب ومين صوت مصر ومعركة كلامية داخلة في منطقة مش لطيفة خالص".
وأضاف عبر تويتر :"أنا الحمد لله على علاقة قوية ب النجمتين بقالي آكتر من 15 سنة وكل الوسط يعرف ده كويس جدا".
وتابع :"شيرين بتحب أنغام وبتحترمها من زمان وأنغام طبعا بتبادلها نفس الاحساس".
وواصل حديثه :" كل الكلام والاشاعات العجيبة إن أنغام ورا مشاكل حسابات شيرين على السوشيال ميديا ده كلام ملوش أي صحة من الأساس".
واستكمل :"وأنا في المطبخ وعارف كويس جدا إيه سبب المشكلة، من حق جمهور كل نجمة يغير ويحب نجمته ويدافع عنها".
ولفت :"بس طبعا من غير غلط وتجريح عشان إحنا ارقي من كدة".
وأنهى :"خلاصة الكلام شيرين وأنغام دول أصوات مصر وقيمة كبيرة عندنا وفي الوطن العربي، استهدوا بالله كدة".
وكانت الفنانة شيرين عبدالوهاب قد كشفت رأيها في بعض الفنانات.
فقالت :"إليسا بحس أنها ماسكة على الناس وهي بتغني".
وواصلت :"نوال الزغبي شياكة وثقة في النفس، وزمان كانوا بيقولوا إن نوال صعب حد يقدر يسلم عليها".
وتابعت :"نجوى كرم التقل كله، والجمال والشياكة، بحبها وقلبها جميل، ومبتغيرش من حد ومركزة على نفسها أكتر".
وعن سلبياتها قالت :"معرفش مدام نجوى كويس علشان أقول إيه الوحش اللي عندها".
واستكملت :" كل حاجة في هيفاء حلوة، كريمة ومجتهدة جدًا، ومش بحب فيها عصبيتها".
أما عن ميريام فارس قالت :"مجتهدة جدا، وأحبها وأحس أنها Barbie، إيه اللي مش بحبه فيها؟".
وأضافت :"معرفهاش كويس عشان أقول لك إيه الوحش اللي عندها".
واستكملت :"لكن البنت دي في حالها ومجتهدة جدا، وشاطرة جدا مش عايزة كلمة البنت دي تتفهم غلط، كلنا بنات".