زينة تكشف سبب عدم زواجها مرة أخري بعد طلاقها من أحمد عز

حلت الفنانة زينة ضيفة لبرنامج "حبر سري" من تقديم الإعلامية أسما إبراهيم، وتحدثت عن العديد من الأسرار الشخصية، منها سبب عدم زواجها مرة أخري بعد طلاقها من الفنان أحمد عز.

تصريحات زينة في حبر سري
وخلال اللقاء تحدثت زينة عن رأيها في فكرة الزواج مرة أخرى قائلة ً :"أنا مش كرها الجواز ولا اتعقدت والواقع إني عندي مسئولية ومش فاضية ومش عندي رفاهية إني أحب واخرج ومش عندي حاجة اديها لأي حد ووقتي كله لولادي أو شغلي وحياتي كلها عيالي ولو عندي وقت هديه لنفسي لان أنا أهم وبحارب في دنيا كلها حروب والأول ولادي وبعديهم نفس واللي هيجي هياخد ايه".
وواصلت زينة حديثها عن الفنان أحمد عز :"أنا بحب أبو ولادي ومينفعش أقول إني مش بحبه حتى لو هو مش موجود ومينفعش أقول أنا بحب حد تاني لأن ولادي لما يكبروا مش هيسمحوني، وأنا عشان خاطر ولادي أعمل أي حاحى في العالم".
وأضافت :"كتير نمت وأنا مقهورة ومش بزعل عشان ربنا يعوضني وربنا كبير ومش هتعرفي تكذبي على ربنا ولما بزعل أوي بخاف أنام".

أما عن علاقتها الحالة بالفنان أحمد عز قالت زينة :"محدش ليه دخل يتكلم علينا، و أنا وهو في بينا ولاد وناكل بعض مفيش حد ليه دعوة بينا وهنتصالح في الأخر واللي عايز يقول رأيه يقول في بيته، وبقى أي حد مش عنده شغل يتكلم علينا".
واستكملت حديثها قائلة ً :"لو وقعت في أزمة أحمد عز هيجي عشان خاطر ولاده مش عشاني أنا، وهو راجل محترم ومتكفل بولاده ومحترم معاهم".
وأنهت زينة لافتةً:" اخرسي انتي وهي وهو محدش ليه دعوت بينا احنا حرين ناكل بعض هنتصالح في بينا ولاد هو راجل محترم وانا محترمه محدش ليه دعوة بينا".