إيناس الدغيدي تكشف خلاف قديم مع أحمد زكي والمفاجأة في ردة فعله!

مشادات ومشاحنات كثيرة تحدث خلف كواليس الأعمال الفنية، لا يعرفها الكثيرون، إلا إذا تطرق أحد النجوم إلى الحديث عنها، منها شجار المخرجة إيناس الدغيدي مع الفنان الكبير أحمد ذكي الذي سردت أحداثه بالتفصيل في لقاء سابق لها.

خلاف أحمد زكي مع إيناس الدغيدي
فكشفت المخرجة إيناس الدغيدي عن تفاصيل مشادتها الكلامية مع أحمد زكي قائلة ً:"لما أتخانقت في مرة مع الفنان الراحل أحمد زكي في فيلم من أفلامنا، وهو وقتها تعامل بروح النجومية، قولتله أنت تعمل لقطة النجومية دي مع الأولاد اللي بيقولوا اسمك في الشارع لكن هنا جوا البلاتوه أنت مش نجم ولكن زيك زي العامل اللي بيشيل الكاميرا وتسمع كلام المخرج".
وواصلت إيناس الدغيدي حديثها: "لأنك لو مش هتسمع كلامي، كل دول مش هيدوا اعتبار للمخرج، وللأسف القيم دلوقتي اختلفت تماما، النجم طبعا هيفضل نجم ولكن قصة إن النجم يكون أعلى من المخرج ضيعت هيبة السينما، والمخرج نفسه بيضيع هيبته لو قبل بالوضع دا، وأنا شخصيا كنت بختار النجوم ومفيش نجم اختارني، والنجم بيسمع الكلام طالما بتديه قيمته".
وتابعت حديثها كاشفةً أزمة المخرجين مع النجوم في الوقت الحاي فقالت: "قيمة الفيلم اتنقلت من المخرج للنجم، زمان كان المخرج أساس الفيلم يجي هو ويختار النجم، ولكن الآن المنتج يريد التوقيع مع النجم ثم يجي المخرج اللي هو هيقدر عليه هو والنجم، ومهنة المخرج مبقتش الأساسية في العمل الفني، وأنا كنت بشتغل مع آلهة في البلاتوه مثل صلاح أبوسيف وبركات ويوسف شاهين، ولكن دلوقتي الموضوع تغير تماما لأنك لو ضيعت هيبة المخرج فستكون ضيعت هيبة الفيلم".

سر إتجاه إيناس الدغيدي لإنتاج الأفلام
وفي الحلقة ذاتها تحدثت إيناس الدغيدي عن السبب وراء إتجاها لإنتاج الأفلام فقالت: "السينما عشان تعملي فيلم حاليا لازم تكوني مختلفة، لأن الدراما قتلت كل الموضوعات بصراحة واتكلمت في كل حاجة، السينما لازم يكون ليها خصوصية والأفكار فيها أجرأ "
واسترسلت حديثها: "والمنتجين للأسف بيقولولي أنتي بتدخلي في الممنوع والمحظور ومعادش فيه منتجين عندهم الجرأة والشجاعة، وأنا أنتجت 8 أفلام من أعمالي بسبب النقطة دي لشعوري أن المنتجين مش هيرحبوا بأفكاري، وقدمتهم كمنتج منفذ وأبيع العمل للقنوات".