تعليق مفاجئ من زوجة حسن شاكوش بعد هجوم الجمهور عليها

حرصت ريم، زوجة مطرب المهرجانات حسن شاكوش، على الرد على الانتقادات التي وجهت لها بسبب سجودها في حفل زفافها على شاكوش.
قالت ريم، خلال التصريحات التلفزيونية، "أنا كنت واخدة عهد على نفسي لما أدخل بالإطلالة الأولى لازم أسجد وأشكر ربنا لإنه عوضني بحسن، هو أحسن واحد في الدنيا في عيوني".
أضافت، "حسن عندي حاجة كبيرة أوي، لعيب كورة وأشيك واحد في المنطقة، وعسول وكاريزما، وأنا واثقة فيه ثقة عمياء".
وكانت هاجمت الإعلامية مفيدة شيحة، عروسة مطرب المهرجانات حسن شاكوش وذلك بعد سجودها خلال حفل زفافهما والذي أقيم قبل يومين بأحد الفنادق الكبرى.
قالت مفيدة، خلال تقديمها برنامج "الستات"، المذاع عبر فضائية "سي بي سي"، "صورة زي دي بتقلل من قيمتك قدام أهلك وأهل جوزك وجوزك، ولو حد قال لك غير كده بيجاملك وأي حد بيشوف الصورة بيضحك وبيقول إيه ده هي ما صدقت اتجوزت؟ مش أوي كده ولو بتكيدي حد يبقى أنت قللتي من نفسك".
وفي السياق ذاته، علقت الإعلامية رضوى الشربيني، على واقعة سجود عروسة مطرب المهرجانات حسن شاكوش خلال حفل زفافهما، حيث قالت: "دي واحدة بتعبر عن فرحتها صحيح هي حركة أوفر لكن كل واحد بيعبر عن فرحته بالطريقة اللي تعجبه".
أضافت رضوى، خلال تقديمها برنامج "هي وبس"، المذاع عبر فضائية "سي بي سي سفرة"، "مشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبدًا. لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي".