"الراحمون يرحمهم الله" شاهد كيف كان يتعامل فؤاد المهندس مع الأطفال!

مواقف إنسانية لا تنتهي نرويها عن الفنان العظيم الراحل فؤاد المهندس، الذي برع في خطف النجومية كفنان وخطف القلوب كإنسان، وفي السطور القادمة نستعرض لكم كيف كان الفنان فؤاد المهندس رحيم بالصغير قبل الكبير في حياته.

أسرار من حياة فؤاد المهندس
عند سؤال الفنان فؤاد المهندس عن أكثر الأسباب التي تجعله يبكي كشف الفنان أنا سر يكمن وراء الأطفال معبراً: "أنا الحقيقة دموعي سريعة اوي، سريع التأثر اوي خصوصا لما يكون فيه في الموضوع طفل أو حيوان ، إني أشوف طفل صغير بيتألم أو منزعج من حاجة أو أشوف حيوان يتألم دموعي تنزل علطول، وبعدين كمان لما أشوف ست حامل معرفش بعيط ليه، بيصعبوا عليا أوي الستات الحوامل".

تأثر الأطفال الكبير بفؤاد المهندس
وأوضح الفنان فؤاد المهندس في اللقاء ذاته عن تطور علاقته بالأطفال بعد فوازير "عمو فؤاد" فقال :"ده أنا بقيت أشيل فيشة التليفون مخصوص كل يوم قبل ما أنام بسببهم، كل العيال بيطلبوني يقولولي عايزين عمو فؤاد، معرفش بيجيبوا نمرتي منين".
وواصل فؤاد المنهدس حديثه :" فيه واد من فترة قطع قلبي، طلبني في التليفون بليل وهو منهار بيعيط قالي: انا هشام انت مش عارفني يا عمو فؤاد؟، قلتله عارفك طبعا، مالك يا هشام ؟!، قالي: ماما مش عايزة تحط التسجيل بتاع عمو فؤاد وعمالة تحط التسجيل بتاع أم كلثوم، قلتله طب اديني ماما يا حبيبي، كلمت الست وقلتلها اعملي معروف حطي تسجيل عمو فؤاد وبلاش تسجيل أم كلثوم".
وتابع :" قالتلي يا أستاذ ده حاطط تسجيل الحلقة بتاعه عمو فؤاد من 5 صباحا لحد نص الليل مش عارفين نسمع حاجة جنبه !، قلتلها معلش عشان خاطري عشان الولد يبطل عياط ويبطل يرن على التليفون وعشان انا اعرف انام من فضلك شيلي الست وحطيني".