«علي نهج ياسمين عز» تعرفي على كيفية التعامل مع زوجك في فترة الحمل

من جديد، أثارت الإعلامية ياسمين عز الجدل بتوجيها عدد من النصائح الغريبة التي كانت من نصيب السيدات الحوامل هذه المرة، وذلك خلال برنامجها "كلام الناس"، الذي تقدمه على فضائية mbc مصر.

نصائح ياسمين عز للحوامل
فوجها ياسمين عز عدد من النصائح للسيدات الحوامل جاءت على النحو التالي: "اياكي وانت حامل في أول 3 شهور تقولي لفرعونك مش طايقة اشم ريحتك.. مش طايقة تشمي حلاوة شمسنا الفرعون الصغير الكبير أمال تشمي ريحة شعرك؟ المفرض تقوليله مرتحش ولا يهدالي بال غير لما أشم ريحة نفسك ياحبيبي وتمشي تشمشي في جوزك ريحته ونفسه بالدنيا".
وواصلت ياسمين عز حديثها: "بتتعشي كبدة بحجة انك بتتوحمي وبتتغذي لنفرينوانتي بتصلي الفجر تشمطيلك صوبعين محشي وانت متعشية حلاوة طحنية مفيش حاجة اسمها حموضة في الحمل ياهانم.. الحموضة بتيجي من طفاستك".
ولفتت ياسمين عز:"فيه ستات تلاقيها بقى تقول لجوزها عايزة أنزل الجيم.. جيم وزومبة ورومبة اي مانتي عايشة طول عمرك بطاية ،عايزة تتعبي وتنهجي ليه وانتي حامل وتقول عشان الطفل يطلع رشيق ومتناسق".

نصائح لتسمية الطفل
أما عن رأيها في تسمية الحوامل لأطفالهن، فأشارت أنه يجب الرجوع للزوج في هذا الأمر قائلة ً:"أسماء بلاد الفرنجة او على اسم مامتك وباباكي وتحقيقي احلام في اسم جوزك بدون الرجوع للفرعون دي متنفعش.. كل مولود لازم اسمه يحمل صفة تخص ابوه".
وأختتمت ياسمين عز حديثها في هذا الصرح قائلة ً :"لو محمد تسميه اشرف عشان جوزك أشرف محمد في الدنيا دهب والماس وطيبة واحساس، لو اسلام هتسميها انصاف عشان اسلام دايما مظلوم فننصفه شوية والناس كلها تعرف انه انصاف اسلام واجب علينا كلنا، لو أحمد بنتك اسمها اسعاد عشان تفتكري تجيبي حاجة لجوزك حاجة تسعده، لو عمرو بنتك اسمها حبيبة عمر ولازم انت تتمتعي بصفات الحبيبة، لو محمود بنتك تسميها طيبة.. عشان طول الوقت تفتكري طيبة جوزك محمود وتبطلي عمايلك معاه".