سالي عبدالسلام تروي تجربتها المؤلمة مع مرض الثعلبة

كشفت الإعلامية الشهيرة سالي عبدالسلام عن تفاصيل تجربتها مع مرض الثعلبة مشيرة أنه يزداد المرض مع الحزن وذلك خلال لقاء لها ببرنامج "كلمة أخيرة" مع الإعلامية لميس الحديدي.
سالي عبدالسلام ومرض الثعلبة
فتحدثت سالي عبدالسلام عن تجربتها مع مرض الثعلبة فقالت: "أنا جاتلي الثعلبة 7 مرات، وأنا فاكرة كل مرة مين اللي خلى التعلبة دي تيجي، وفاكرة كل مرة مين اللي زعلني ونمت مقهورة لأن فعلا اللي بينام زعلان بيموت".

وواصلت سالي عبدالسلام: "يعني أنا قعدت أمثل أن أنا قوية وجسمي رفض يمثل معايا، التعلبة كانت بتروح وتقعد 6 شهور سنة، المرادي كانت لسه خلصانة من رمضان ومفيش أقل من 4 شهور وراحت جت تاني".

وعن طرق العلاج من مرض الثعلبة قالت سالي عبدالسلام "كل أسبوعين أو 3 أسابيع في جلسة مدتها تلت ساعة بأخد فيها 80 حقنة في الرأس، وسن الحقنة صغير ورفيع بيوجع أكثر من الحقنة العادية، ولازم سن الحقنة يدخل في عظام الرأس عشان يجيب نتيجة مع الثعلبة".

سالي عبدالسلام تعلن إصابتها بمرض الثعلبة
وفي وقت سابق أعلنت الإعلامية سالي عبدالسلام إصابتها بمرض الثعلبة عبر حسابها الرسمي علي موقع إنستجرام، فقالت: "دخلت الدوامة دي تانى !!! مرض الثعلبة وخلل المناعة للمرة السابعة في 5 سنين سبحانك يا رب، يا دوبك لسه مخلصة علاج وكورتيزون وحاولت أخس تاني وارجع أعالج شعري من الصيف!!.. في 5 شهور تعافي بعد ما تتعالج تطلع تاني بالسرعة دي ودي أول مرة تحصل".
واسترسلت سالي عبدالسلام حديثها: "شهور من الضغط النفسى والعصبى ودى أول حاجة ترجع المرض ده، حاولت أمثل إنى كويسة زى ما على طول بعمل بس جسمى كل مرة بيرفض، يمثل معايا وابتلى في اكتر حاجة كنت بحبها، سبحانك يا رب لما الدكتورة تقولى في أطفال وبنات بقيت تيجى تاخد الحقن، وتقول سالى بتاخدها فرحت، قولت لعلها المنجية من الابتلاء".
وأختتمت سالي عبدالسلام " ادعولى مفيش حاجة تستاهل إنك تضغط على نفسك ولا تزعل وتمرض وتموت، الحمد لله إنا لله وإنا إليه راجعون".