كشفت المنتجة سارة الطباخ، عن علاقتها مع الفنانة شيرين عبد الوهاب ردًا على تصريحات شقيق شيرين ووالدتها والاتهامات التي وجهوها لها بخصوص أنها تمثل خطرًا على شيرين.
وقالت "سارة الطباخ" في اتصال هاتفي مع الإعلامي عمرو أديب ببرنامج "الحكاية" المذاع على فضائية "إم بي سي مصر" مساء اليوم الاثنين. "إحنا دخلنا بيوت بعض وكلنا عيش وملح آخر اتصال ليا كان معها كان يوم عيد ميلادها".
وأضافت "الفترة الأخيرة مكنوش قريبين من بعض وبدعي أنها تمر بخير وسلام. ولكن شقيق شيرين أسند لي عبارات وألفاظ دون أي دلائل".
وتابعت "أول امبارح الساعة 3 الفجر بعتلي حسام حبيب رسالة أن شيرين عندها مشاكل قالي انه بيستغيث وأنها اضطربت واتسحلت من أخوها ونزلت بملابس المنزل وبدون حذاء وأنها من وقتها مختفية من يوم الخميس".
واستطردت "حسام حاول يتواصل مع ناس كتير ويبدو أنه يعرف علاقتي بالأستاذ ياسر قنطوش محامي شيرين لأنه محاميا فعلشان كده تواصل معايا علشان اتواصل مع محامي شيرين من له حق الوكالة والبحث عن موكلته".
وأردفت "شيرين اتعرفت على الأستاذ قنطوش عن طريق زينة لأنه المحامي بتاعها أيضًا. حاولنا نتواصل مع سائقها ومستشارها ونقيب الموسيقيين أكد أن فيه مشكلة وأخذنا بعض ورحنا النزهة وعرفنا أنها موجودة في المستشفى".
واستكملت حديثها "ذهبنا وسألنا عليها في المستشفى وحاولنا نتأكد أنها موجودة وبخير وده اللي كنا عايزين نعرفه أنها بخير. وبعدها تأكدنا أنها داخل المستشفى ولكن هما رافضين يقولنا".
وأوضحت "كان موجود حسام وصديقة كانت على علاقة عمل مع شيرين وأنا والمحامي الخاص بها. ومش طبيعي أن حد يختفي. بعدها كلمت مساعدة عند شيرين في المنزل قاتلي شيرين سافرت".
وتابعت "أنا مكنش عندي رقم جديد لمحمد وهو لو شايف أنه بيعمل حاجة كويسة لشيرين كان كلمني. وأنا قصتي أن شيرين تكون بأمان كإنسانة وأنها تمام ولو حد كان طلع وقلنا كده كان الكل هيمشي".
وبسؤالها عن اتهامها بإحضار الصحافة والتشهير بشيرين قالت سارة الطباخ. "أنا نزلت الساعة 3 الفجر بالبيجامة ومكنتش هأخذ معايا الصحافة وأنا بالمنظر ده وكل همي كان إني اطمن عيها"
وتابعت "الموضوع دلوقتي مع المستشار ياسر. شيرين ساعدت ناس كتير وأخوها أولهم ويعرف كده وهو اللي شوه صورتها لأنها مش صغيرة وواعية وقوية".
وأوضحت "الدكتور نبيل عبد المقصود هو طبيبها الخاص وصرح تلفزيونيًا أنها زي الفل. شيرين خيرها على الكل وهي شخصية حساسة جدًا وكلنا لينا في شيرين وهي صوت مصر الأول".