قامت لورا عماد، زوجة الفنان شريف منير بحذف المنشور التي هاجمت فيه ابنتيها كاميليا وفريدة.
كتبت لورا، عبر حسابها الشخصي بموقع تبادل الصور والفيديوهات "انستجرام"، "شكرًا لكل من دعمني نفسيًا وحس بإحساس الأم، وبقول للقلة القليلة عديمي الإنسانية، أن تعليقاتكم ما كانت سوى شوية تراب في الهوا.
أضافت، "أنا قررت أشيل البوست لأن مش هسمح أن صفحتي تبقى ساحة لبعض المتطرفين دينيًا، وبقول روحوا ناقشوا تطرفكم في حتة تانية".
وجه الفنان شريف منير، رسالة مؤثرة لابنتيه كاميليا وفريدة بعد الخلافات الأسرية التي حدثت خلال الفترة السابقة.
نشر شريف، صورة له عبر حسابه الشخصي بموقع تبادل الصور والفيديوهات "انستجرام"، وهو يصنع البيض بالأومليت معلقا عليها: "فريدة وكاميليا بيحبوا الأومليت.. مع شاي ولبن".
وتصدرت زوجة الفنان شريف منير وابنته تريند مواقع التواصل الاجتماعي وذلك بعد الخلافات بينهما من خلال بوست كتبته زوجته لورا عماد.
جاء في المنشور، "رسالة إلي بناتي فريدة و كاميليا بما أنكم خلاص قررتوا تبقوا مش في حياتي بعد ما أدتكم عمري وصحتي وحبي واهتمامي وضحيت عشانكم كتير!! وكل مدارسكم بمدرسينكم بدكاترتكم باأصحابكم بأمهات أصحابكم يشهدوا بإن أنا كنت أم عاملة إزاي! بقولكم مبروك عليكم عيلتكم الجديدة!! وحقولكم حاجة واحدة بس! اللي مالوش خير في أمه ملوش خير في حد!!".
وعلقت فريدة، ما نشرته والدتها؛ قائلة: "ليه بتعملي كده؟ ليه بتخلي شكلنا كده قدام الناس؟".
بينما ردت كاميليا" على ما نشرته والدتها؛ قائلة: "عمرنا ما بعدنا عنك وغير كده أنا كنت لسه قاعدة معاكي امبارح ومكنتش عارفة إنك كنتي بتفكري في كده".
أضافت، "بتمنالكم كل خير وصحة وأن ربنا يهديكم في يوم من الأيام!! بس ربنا موجود وكبير قادر على اللي عمل فيكم كده أنه يرده ليه في يوم من الأيام!!! مامي لورا يمكن تكونوا نسيتوا اسمي".