قالت الفنانة بدرية طلبة، "انا اللى صالحت ياسمين عبد العزيز علي زوجها أحمد العوضي لأنها صاحبتي حبيبتي اللى بحبها".
وأضافت خلال لقائها ببرنامج "كلام الناس" المذاع علي قناة "أم بي سي مصر":ياسمين عبد العزيز وأحمد العوضي زي أي اتنين متجوزين حصل ما بينهم مشادة فزعلوا من بعض وبعدين اتصالحوا وربنا يهنيهم ويبعد عنهم كل حاجة وحشة".
على جانب آخر، أثارت الفنانة بدرية طلبة جدلًا واسعًا خلال الساعات القليلة الماضية، بعدما زعمت محاولة اختطاف ابنة شقيقها في وسائل المواصلات، بعد وخزها ب"دبوس" في الجلد، ما تسبب في الهجوم عليها من متابعيها عبر مواقع التواصل الاجتماعي.
ونشرت بدرية، صورة ل يد ابنة شقيقتها التي تعرضت ل"شكة دبوس"، عبر حسابها ب"فيس بوك"، وعلقّت عليه بقولها: "والله ماكنت بصدق ومكانش ييجي على بالي أبدًا إن دي حقيقة لكن حصلت لحد مني".
أضافت، "اللي اتشكت دي بنت أخويا وربنا ستر ورجعت بيتها بالسلامة، أمانة خدوا بالكم من بناتكم، لأن واضح إن البنات الكبار هما السن المستهدف"
تابعت، "شيروا على قد ما تقدروا علشان نوعي الناس، دا مش بوست منقول دي صفحتي أنا بدرية طلبة ودي بنت أخويا".
وقامت بعدها بحذف المنشور بعد هجوم الجمهور عليها، قائلةً: "اعتبروني منزلتش حاجة طالما حتقعدوا تكدبّوا وتناقشوا، أنا بوعيكم مش أكتر لأن حصل معانا فعلًا".
أضافت، "مقولتش تخدير كلي زي ما بتقولوا، والبوست كان واضح واللي بيدخل على الخاص عايز التفاصيل، أنا مش فاضية أقعد أشرح لكل واحد مش مصدق، براحة راحتك والغريبة بقى اللي يقولك ترند!، ترند إيه يا أبو ترند، هو أي هبد وأي كلام".
من ناحية أخرى تعرف الفنانة بدرية طلبة بخفة دمها حيث لعبت أدوارا عديدة استحسنت فيها ردود فعل الجمهور خاصة فى عالم الدراما التى شاركت فيه بأعمال عديدة، واشتهرت بخفة دمها بصورة كبيرة.
ومن أبرز الأعمال التى شاركت فيها مسلسل اللي مالوش كبير، بطولة أحمد العوضي، وياسمين عبد العزيز، والذي عرض عام 2021
DMCA
PROTECTED