بركاتك يا فبراير| الدواجن سعرها بينخفض.. شوف وصلت لكام

حاجة غريبة وحلوة في نفس الوقت وهي إن سعر الدواجن بينخفض كل يوم، ودا حصل امبارح والنهارده وعلى الله يحصل بكرا، والغريب إن دا حصل رغم انخفاض درجات الحرارة وحالة الطقس السيئة، بس زي ما بنقول خير وبركة.
ومن الممكن أن يكون الوقت أذن عشان أسعار الدواجن تتراجع وترجع زي زمان،وحتى لو دا خد وقت فاحنا هنستنى، لأننا تعبنا من كتر ارتفاع أسعار الدواجن.
فنحن في هذا الارتفاع من أخر السنة اللي فاتت، يعني من 4 شهور تقريباً، والموضوع زاد عن حده، ومحدش بقى عارف ياكل فراخ ولا يخزنها، وبقينا نشوف أكلات بديلة زي السمك مثلاً واللي برضو سعره ارتفع.
وانخفضت أسعار الدواجن امبارح 3 جنيهات، والنهارده انخفضت جنيه واحد، ليكون إجمالي الانخفاض 4 جنيهات في يومين.
وهننشر ليكم أسعار الدواجن اليوم الأحد 20\2\2022 في المحلات والأسواق، وزي ما بورصة الدواجن أعلنت عنها.

أسعار الدواجن اليوم
انخفضت الدواجن البيضاء ل 33 جنيه.
الفراخ الأمهات ب 26 جنيه.
الفراخ البلدي الفيومي ب 48 جنيه.
البلدي الساسو ب 45 جنيه
الفراخ البلدي ب 50 جنيه.
سعر كيلو البانيه 75 جنيه
كيلو الأوراك سجل 38 جنيه.
الدبوس ب 47 جنيه.
الكبد والقوانص ب 40 جنيه.
الأرانب ب 55 جنيه، والرومي ب 65 جنيه ودول سعرهم ثابت.
البط الفرنساوي وصل ل 40 جنيه، وسعر البط المسكوفي 50 جنيه.
والبط البلدي ب 52 جنيه.
كيلو البط المولار ب 37 جنيه.
أسعار الدواجن اليوماسعار الدواجناسعار الدواجن اليومالدواجنالدواجن النهاردهالفراخالفراخ بكاماهم الاخباربكام سعر الفراخ