متابع يصدم عمر كمال بتعليق.. والأخير يرد: "أنا مش بتاع مخدرات"

صدم متابع مطرب المهرجانات عمر كمال بتعليقه حيث كتب: "ربنا يهديك ويتوب عليك يا رب، وربنا يرزقك من حلال.. صدقني إنت فيك خير كبير قوي، ويا رب تسمع كل حد بيحبك وبينصحك وبيتمنى لك الخير.. وتترك الأبواب الحرام الموسيقى والرقص والحفلات وتتأكد إن اللي عند ربنا أحسن بكتير.. والجنة غالية قوي.. وربنا مش هيضيع عبد رجع ليه.. هتلاقي ناس كتير بتنصحك في الكومنت هنا.. الناس دي هي اللي عايزة لك الخير بجد".
ليرد عليه عمر، قائلًا: "يا شيخ علاء.. أنا بقول الثانوية العامة مش نهاية الدنيا أهم حاجة انك تشتغل وتتعب وتحقق لنفسك عيشة كريمة وأكيد بديهي جدا هتكون بالحلال.. أنا مش بتاع مخدرات ولا إنسان وحش بالدرجة دي علشان الناس تعاملني بالشكل ده، كلنا بنتعب وبنشتغل علشان نجيب فلوس ونعيش عيشة كويسة في الآخر وده قصدي".
وكان عمر كمال قد تعرض حملة من الانتقادات على أثر منشور عبر صفحته على Facebook قبل ظهور نتيجة الثانوية العامة 2021 حيث كتب " جبت 90% .. جبت 70% .. جبت 40% الشاطر اللي يعرف يجيب فلوس في الآخر".
تابعنا علي اخبار جوجل