هو في مرات أب حلوة كده.. أسما شريف منير توجه رسالة خاصة لزوجة والدها

وجهت الفنانة أسما شريف منير، رسالة لزوجة والدها الفنان شريف منير، حيث نشرت صورة لها، عبر حسابها الرسمي بموقع الصور انستجرام.
وعلقت أسما: "الست الجميلة اللي في الصورة دي هي (لورا) مرات ابويا! ايه ده هو في مرات أب حلوة كده اومال فين الحوافر و العيون الشريرة ، مش مرات اب؟ يبقي أكيد لازم تكون شريرة و بتعذب الولاد و بتشغلنا في البيت هههه، ده اللي المجتمع و الأفلام ديماً بيصدروا بس الحقيقة إن الست دي من أطيب و أجمل وأجدع الستات اللي في الدنيا".
وأضافت أسما: "عمرنا ما اتخنقنا يمكن اختلفنا مرة بس عمرها ما اتعدت علي حقوقنا و لا التزمات ابويا لينا، ام أخواتي أو بناتي عشان هما صغنانين، هي عيلتي و حبيبتي، لما بزعل مع ابويا بتقف جنبي حتي لو هيتخانق معاها، أنا و هي اصلاً شخصيتنا قريبة من بعض بتفهمني و بتحس بيا.. أنا عمري ما اتكلمت عنها عشان هي بعدت عن الأضواء من زمان".
وتابعت: "بس حسيت إني لازم اقولها إني بحبها و بحترمها و اديها حقها، و عشان أقول لإي ست لو إنتي مرات أب لأولاد لازم تتقي ربنا فيهم و صاحبيهم و حبيهم كأنهم ولادك و ربنا هيجازيكي كل خير و جوزك هيشيلك فوق راسه.. بحبك يا لولو أوي و ربنا يخلينا لبعض كلنا ديماً و شكراً علي كل حاجه حلوه عملتيهالي.. آه و بالمناسبة هي بتعمل أفكار حلوة أوي على الإنستجرام تبعوها".

View this post on Instagram

الست الجميلة اللي في الصورة دي هي (لورا) مرات ابويا! ايه ده هو في مرات أب حلوة كده اومال فين الحوافر و العيون الشريرة مش مرات اب؟ يبقي اكيد لازم تكون شريرة و بتعذب الولاد و بتشغلنا في البيت هههه، ده اللي المجتمع و الافلام ديماً بيصدروا بس الحقيقة إن الست دي من اطيب و اجمل و اجدع الستات اللي في الدنيا، عمرنا ما اتخنقنا يمكن اختلفنا مرة بس عمرها ما اتعدت علي حقوقنا و لا التزمات ابويا لينا ، ام اخواتي او بناتي عشان هما صغنانين، هي عيلتي و حبيبتي، لما بزعل مع ابويا بتقف جنبي حتي لو هيتخانق معاها، انا و هي اصلاً شخصيتنا قريبة من بعض بتفهمني و بتحس بيا. انا عمري ما اتكلمت عنها عشان هي بعدت عن الأضواء من زمان، بس حسيت اني لازم اقولها اني بحبها و بحترمها و اديها حقها، و عشان اقول لإي ست لو انتي مرات أب لأولاد لازم تتقي ربنا فيهم و صاحبيهم و حبيهم كأنهم ولادك و ربنا هيجازيكي كل خير و جوزك هيشيلك فوق راسه.. بحبك يا لولو اوي و ربنا يخلينا لبعض كلنا ديماً و شكراً علي كل حاجه حلوه عملتيهالي.. اه و بالناسبة هي بتعمل افكار حلوه اوي علي الإنستاجرام تبعوها @laura.ahad ♥️♥️
A post shared by (@asma.sherif.moneer) on Oct 21, 2020 at 9:25am PDT