زوجة تستغيث على الفيس بوك بسبب إبتزاز زوجها ونشر صورها ب قمصان النوم

نشرت السيدة مريم عادل ثابت على صفحتها الشخصية على الفيس بوك منشور توضح فيه تفاصيل قضيتها أمام القانون من زوجها أحمد محمود عمر محمد ودعوى الخلع القضائية التى قدمتها ضده بسبب سوء معاملته لها وضربها وتعذيبها حيث كتبت :
" انا مريم عادل السيد ثابت حاليآ قدام القانون و قدام ربنا على ذمة أحمد محمود عمر محمد بس انا رافعة عليه خلع .. بسبب انه بيضربني بيشتمني بيعاملني اسوأ معاملة .. و يستحيل معاشرته بكل الطرق اذا كان بسبب عدم اهتمامه بنضافته الشخصية و بشهادة اهله .. او بسبب حاجات تانية مقدرش اكتبها على الملأ .. انا من شهر 7 سايبة البيت مصرفش لا عليا و لا على بنتي جنيه .. بنتي كانت بتموت و ميعرفش عنها حاجة و لما اتصلت بزميلته في الشغل عشان يرد عليا و يجي يودي بنته لدكتور اتصل بماما و قالها هيجي يطلع د** ابويا ( مسجلة المكالمة ) .. اخر مرة ضربني انا و بنتي كسر مناخيري و عملي اصابات في فخدي الايمن بسبب انه كسر عليا اباجورة الاوضة .. دلوقتي انا قفلتله الاكونت بتاعه لان بيبتزني و بيبعتلي شتيمة من عليه غير الاكونت الفيك اللي عامله و بيشتمني منه .. و في الاخر الاقي صوري بقمصان نوم كنت ببعتهاله هو يمكن يكون راجل لو لمرة واحدة و كنوع من تغيير الروتين مع اصحابي و بيهددني انه ينزلها على النت ..
انا بكرة هنزل اعمله محضر .. بس ارجوكم زي ما بتشهروا بناس و تجيبوا حق ناس انا عايزة حقي ..
انا مسرقتش ايميله زي ما هو كاتب انا قفلته بكثرة الريبورتات عليه لانه كان بيشتمني و يبتزني ..
تعديل بسيط .. فيه ناس معرفهاش بعتلها صوري اقسم بالله و الله ناس ما اعرفها فعلا و المصيبة انهم رجالة و بعتولي صوري .. انا كل ده هرفقه بمحضر في النيابة ارجوكم وصلوا صوتي لحد كبير في البلد انا محتجاكم تقفوا جنبي .. مش قادرة انزل الاسكرينات من قرفها بجد بس موجودة و هتروح النيابة .. حسبي الله و نعم الوكيل".
وقامت بعمل إشارة بعدد كبير من مشاهير مواقع التواصل الاجتماعى وللنائب العام والمجلس القومى للمرآة ورضوى الشربينى وكثير من الإعلاميين استنجادا بهم لمساعدتها ضد ابتزاز هذا الرجل .
شاهد