"بالحقنة الشرجية".. طبيب نفسى يستغل مكانته الدينية فى الكنيسة ويتحرش بالفتيات والعلاج أحضان وبوس

دشن مستخدمى مواقع التواصل الإجتماعى هاشتاج " المتحرش م ف " وذلك بعدما قامت بعض الفتيات بفضح أعماله واستغلال مهنته ومكانته الدينية فى الكنيسة فى التحرش بالفتيات حيث شخص خمسيني يدعي أنه دكتور نفسي في حين انه ممارس عام وله كتاب ديني كان يتم توزيعه في الكنائس وظن بعض الأشخاص أنه خادم في الكنيسة بسبب حضوره أغلب الوقت اجتماعات فى الكنيسة .
وقالت " جهاد حمدى " التى عرضت القضية وأثارتها على الصفحة الشخصية على الفيس بوك حيث أوضحت أن هذا الرجل زعم بأنه حاصل على دراسات حديثه لا أحد غيره يعلمها مثل أن الملابس الداخلية للفتيات وللشباب تسبب الإصابة بالسرطان , إقناع الضحايا بأن علاج مرضهم يتم عن طريق الحقن الشرجية حتى يسهل عليه التحرش بهم .
ودعمت "حمدى " جميع الفتيات اللاتى تعرضن للتحرش من قبل هذا المريض النفسى على هاشتاج " #المتحرش_م_ف .. #m_f_sexual_abuser " حيث كتبت على صفحتها الشخصية بعض التجارب لبعض الفتيات بدون ذكر أسمائهن والتى جاءت كالتالى :
شوية تفاصيل عن الدكتور النفسي اللي بيعالج بالحقن الشرجية:
(م.ف) هو شخص خمسيني بيدعي أنه دكتور نفسي في حين انه ممارس عام. وليه كتاب ديني كان بيتوزع في الكنايس والناس كانت فاكراه خادم في الكنيسة عشان طول الوقت بيحضر اجتماعات.
الضحايا بتوعه أغلبهم بنات 16 و 17 سنة وطبعاً بيبقوا واثقين فيه تمامًا بإعتباره خادم في الكنيسة لأنه كان عامل كتاب ديني بيتوزع في الكنايس وحاطط رقمه ف بالتالي لما البنات تقرا الكتاب بتقرر تلجأله ف يبدأ يسمعهم ويدخل حياتهم وبعدها تبدأ مرحلة انتي مريضة نفسيًا وأنا لازم أعالجك.
وما بيتمش التحرش بيهم غير بعد ما يغسل دماغهم ويخليهم يكرهوا أهلهم ويقطعوا علاقتهم بصحابهم وما يبقوش بيتعاملوا مع حد غيره.
كام حكاية عشوائية عنه عشان ما أبقاش بتصدم لوحدي:
1. على خطى زكريا الدرديري مدرس دراسات وفرنساوي لحد ما يجيبوا مدرس فرنسا.. (م.ف) في جلسات العلاج النفسي كان لازم يتأكد أن البنات ما عندهمش breast cancer ويعملهم هو الفحص عشان دكتور.. وطبعاً بيتحرش في سياق الفحص.
2. (م.ف) عنده دراسات حديثة محدش يعرفها قبل كده بتقول أن أي ملابس داخلية للبنات أو الولاد بتسبب سرطان. عشان كده في الرحلات اللي بيطلّعها ممنوع أي حد يلبس ملابس داخلية. وطبعاً السبب معروف.
3. بيقنع الضحايا أنه ما ينفعش يقولهم تشخيص مرضهم ولا العلاج عشان ده آخر تحديث في الطب النفسي.
وبيقولهم أن علاج مرضهم الغير معروف هو الكهربا لكنه هيديهم علاج تاني بس ما ينفعش يسألوا ايه هو لحد الجلسة. ولما يروحوا الجلسة بيطلع ايه العلاج؟ حقن شرجية!
فيه اللي بيدرك أن فيه حاجه غلط ويبعد عند المرحلة دي.. وفيه اللي ما بيدركش غير متأخر بعد مراحل متقدمة من التحرش.
4. (م.ف) شخص سادي وكان بيقول للبنات لما تصوت بسبب الحقن الشرجية أو التحرش.. صوتي عشان أنا مبسوط كده. ولو حد ما عيطش أو ما كانش بيصوت بيأذيه جسديًا لحد ما ده يحصل.
5. بيلف في المحافظات على أنه شخص كنسي وبيستغل جهل الناس.. راح قبل كده لبنت بطنها واجعاها ومامتها لجأت ليه بما أنه دكتور. العلاج بتاعه كان ايه؟ بالظبط، حقن شرجية. قدام أم البنت.
6. بيتعمد أنه يخلي أي بنت تكلمه تعمل مشاكل مع أهلها بدون داعي وبعدين يسحبها تعيش معاه هو ومراته وباقي البنات.
7. بيحضن ويبوس البنات بإعتباره زي باباهم.
8. (م.ف) مقتنع أنه رسول من عند ربنا وجاي برسالة ف بالتالي كل اللي بيقوله صح وما ينفعش حد يناقشه ولا يقوله ليه. ولما البنت بتعترض على حاجه بيزعق ويقولها انتي اللي غلط وازاي تسأليني على حاجه.
9. جلسات العلاج بالحقن الشرجية كانت بتتضمن تحرش فج وإعتداءات جنسية في سياق أنه ده العلاج.
10. البنات اللي ما كانتش بتتعالج بالحقن كان بيديها مخدر أو أدوية للأعصاب ويتحرش بيها برده.
10. بالمرة كمان هو شخص نصاب وبياخد من البنات فلوس طول الوقت.
اللي اكتشفته أن الشخص ده تقريبًا كل كام سنة يتفضح ف يطلع يهدد البنات بتسجيلات لجلساتهم أو بصور ليهم ف محدش بياخد أي إجراء قانوني وبالتالي هو مكمل لحد اللحظة وبيعمل جلسات وعامل برنامج يوتيوب وحاجه في منتهى البؤس.
الكنيسة حذرت منه في بيان من غير ما يقولوا اسمه ومنعت كتابه لكن مع ذلك هو مكمل وبينكر أن البيان ده كان عليه.
دلوقتي البنات مستعده تاخد إجراءات قانونية ف لو حد يعرف أي ضحايا ياريت يبعتلي عشان أوصلهم ببعض.
دي شوية سكرين شوتس لكلام البنات
https://www.facebook.com/gehad.hamdy.5/posts/4411304132244423