شقيقة مودة الأدهم تنهار علي الهواء: أختي هتبات مع فتيات الليل.. وإتجرسنا في الشارع

أكدت رحمة شقيقة مودة الأدهم أن الحكم الصادر ضد شقيقتها لم يكن متوقعاً، قائلة: "كنا منتظرين الرافة شوية نظراً لحداثة سنها ومابتعرفش إيه الغلط وإيه القوانين حرام تترمي مع بنات ليل جايين من كباريهات.
وتابعت باكية في مداخلة هاتفية مع برنامج "القاهرة الآن" المذاع على فضائية العربية الحدث الذي تقدمه الإعلامية لميس الحديدي قائلة، "كل بنات جيلها بتلبس كده؟ إيه الإغراء الي هيا عملته ؟ أنا دلوقتي مش عارفة أمشي بولادي في الشارع بعد التشهير ده والكلام الي إتقال علينا في كل حتة ؟ أختي ناجحة طول حياتها أنا مش مصدقة أبويا مكنش مصدق وكان بيشوفها بالعافية في المحكمة، مضيفة :"نفسي أشوفها حتى لو في زيارة …إحنا عيلة بسيطة بناكل ونشرب ووننام مش فاهمين حاجة في البلد حتى الوزراء مانعرفش اسمائهم".
واستكملت: "أختي كانت فاشون وجسمها حلو وهي شخصية مرحلة وضحكتها في وشها وتسعد كل من حولها حتى عندما كانت تزورنا في البيت كنا كلنا بنضحك".
ونفت أن تكون مودة هاربة من منزلها مشيرة إلى أنها إبتعدت للتركيز في الدراسة وكنا على إتصال دائم بها ونعرف كل تفاصيلها.
وتابعت قائلة: "هذا التطبيق مستخدم في مصر ومرخص وكل الناس بتستخدمه وهيا مكنتش تعرف القانون وأنا بقالي ثلاثة أشهر ماشفتهاش نفسي أشوفها وأعد معاها أنا الي ربتها على إيدي .. أبويا تعبان وأمي مريضة ومنهارة ".