كشف المطرب محمود الليثي حقيقة شربه السجائر والخمر حيث قال:" لا اشرب الخمور مطلقا ولو معنديش إجازة بروح الاستوديو ولو معنديش شغل برجع بيتي لمراتي". وقال محمود الليثي في حواره في برنامج "حبر سري" المذاع على قناة "القاهرة والناس": "لم أتزوج صافيناز مطلقا". وأضاف محمود الليثي: "أنا معايا ام سيد بس ودي نعمة ربنا بعتها ليا، ومراتي واثقة فيا إني مش هبص لحد مطلقا". وأكمل محمود الليثي: "يتم إطلاق شائعات كثيرة عن زواجي من صافيناز ودي ناس بتحب الكلام والهري، وأنا اكتر واحد مش بيحب يسمع أي انتقاد"، مضيفا: "عايز اشتغل واعمل اغنية حلوة وابسط الناس بس". وقال الليثي: "والله العظيم محمد رمضان نجم النجوم بالنسبة لي في التمثيل، و ناجح في التمثيل والغناء وانا ك متفرج بصدقه، وهو قيمة فنية و ناجح بشكل كبير، وحقق نجاحات في غناء المهرجانات". واضاف:"موضوع الضرب في الأفلام ليس حقيقي ولا أتعرض للضرب بشكل حقيقي ويتم ادخال مؤثرات صوتية ". وتابع: " مع أول مشهد تعرضت للضرب فيه كان يتسبب في إضحاك الجمهور بشكل كبير اثناء عرض الأفلام في السينما ". وأكمل : "لو اتعرض عليا دلوقتي اتضرب في الافلام مش هوافق"، وتابع مازحا : العيال كبرت خلاص".
