سمية الخشاب: وقعت فى غرام ابن الجيران ولم اعيش فترة المراهقة

كشفت الفنانة سمية الخشاب خلال حوارها مع الفنان ماجد المصري في برنامج "بصراحة مع" على قناة MBC1 عن كواليس وتفاصيل فترة مراهقتها.
وقالت: "أنا معشتش مراهقتي وعايزة أعيش مراهقتي، مامتي كانت بتخاف عليا قوي في سن المراهقة وحابساني ممنوع أبات عند خالي أو عمي عشان عندهم ولاد، وبعد الساعة 9 مينفعش أتأخر، ولو صاحبتي عندي مينفعش نقفل الباب علينا. دلوقت فهمت لما كبرت إن كان عندها حق وكانت بتخاف علينا."
وردا على سؤال "أول مرة قلبك دق؟" قالت: "قلبي دق في ثانوية عامة، ابن الجيران والجو ده، أكيد مقدرش أكدب. كان عندي "سكيرت" كحلي أنزل بيه الشارع يقف على رجل، وشعري كان طويل."