محمد مهران يرد على منتقدي مسلسل "لؤلؤ"

قام الفنان الشاب محمد مهران بالرد على الانتقادات التي تلقاها بعد الرسالة التي كتبها عن كواليس خوضه لكتابة السيناريو لأول مرة من خلال مسلسل "لؤلؤ" بإشراف من المخرج محمد سامي.
وكتب محمد مهران عبر حسابه الرسمي بموقع التواصل الاجتماعي "فيس بوك" :"البوست ده انا كتبته بعد عرض اول حلقه من مسلسل #لؤلؤ اللي شاركت فيه بكتابه السيناريو والحوار والتمثيل، وعبرت فى البوست عن مشاعري وانا بتفرج علي المشاهد اللي كتبتها و هى بتتحول لصوره مرئيه
كنت فرحان سعيد جدا باول عمل درامي انا اكتب السيناريو والحوار الخاص بيه واول شئ كان لازم اعمله اني اشكر الشخص اللي اداني الفرصه دى، لان دي الاصول، بس فيه ناس كتير شافت الكلام ده بشكل مختلف".
وأضاف مهران:"للي فاهم اني اول مره اكتب و الفرصة جاتلي و انا نايم في بيتنا احب اوضحله اني دي اول تجربة اكتبها تشوف النور لكن سبقها تجارب كتير حضرتك متعرفش عنها حاجة من كتابة افلام قصيره و مسرحيات منها مسرحية ( مطلوب ) اللي كانت من تاليفي واخراجي و اخدت خمس جوائز في المهرجان القومي للمسرح 2014 من ضمنهم جائزة افضل مخرج و المسرحية مثلت مصر في العديد من المهرجانات الدوليه في بولندا، روسيا، رومانيا وفرنسا بالاضافة للعديد من المحاولات من كتابة الافلام و المسلسلات بس معرفتش اسوقها"
وتابع :"للي حاسس انه قاعد سنين بيكتب و انا جيت اخدت فرصته حاول تقتنع ان ماحدش بياخد رزق حد و اسعي و ان شاء الله ربنا هيكرمك و هتلاقي اللي هيديك فرصتك، وفيه اللي شاف اني معملتش اي حاجة، حضرتك انا من اول ما جالي المسلسل لحد اخر حلقة انا اشتغلت من 16 الي 18 ساعه بشكل يومي لحد اخر حلقة، إن الله لايضيع اجر من احسن عملاً، اتفرجوا علي المسلسل و ان شاء الله هيعجبكم".