إصابة زوج داليا البحيري بفيروس كورونا

أعلنت الفنانة داليا البحيري، عن إصابة زوجها بفيروس كورونا المستجد، وذلك عبر صفحتها الرسمية بموقع التواصل الاجتماعي فيس بوك.
وكتبت "البحيري": "أوك أنا أبدأ بألف حمد وشكر ليك يارب، لأن أنا عارفة ومتأكدة إن أحنا عملنا اللي علينا وزيادة، حافظنا وقعدنا في البيت،وعقمنا وطهرنا وشجبنا اللي نزل انطلق واتفسح، وأنا الحمد الله راضية جداً بقضاء ربنا، حسن جوزي وجبيبي طلع إيجابي كورونا.. فايروس، ربنا يشفيه ويعافيه يارب، إحنا كلنا عملنا مسحات، أنا والأولاد".
وتابعت قائلة: "وواللي بيساعدونا في البيت عشان نطمن لأننا كلنا مخالطين لحسن، وبإذن الله نعرف النتيجة بكرة بليل، وربنا يجيب العواقب سليمة يارب.. أنا بقول الكلام ده ليه عشان أى حد لازم يعمل كده لازم يقول وبكل وضوح عشان الناس اللي كانت مخالطة ليهم يعرفوا ويطمنوا على نفسهم، لأن دي أمانة، والمرض مش حاجة الواحد يخجل منها، بشكر كل اللى اتكلم يطمن على حسن وعلينا، وأسفة إن أحنا مش ملاحقين نرد.. عشان متكركبين وبنشوف هنعمل إيه، دعواتكم لحسن بالشفاء العاجل، دعواتكم لينا إننا نكون بخير، ألف شكر، وربنا يسلمكم جميعاً ويحفظكم من كل شر".
جدير بالذكر أن آخر أعمال داليا البحيري مسلسل "فلانتينو" بطولة الفنانة الكبير عادل إمام، وتأليف أيمن بهجت قمر، وإخراج رامي إمام.