شاركت الفنانة إيمي طلعت زكريا، جمهورها ومتابعيها صورة لوالدها النجم الراحل طلعت زكريا والرئيس الأسبق محمد حسني مبارك الذي وافته المنية صباح اليوم داخل مستشفى المعادي العسكري عن عمر يناهز 92 عاما. وعلقت إيمي قائلة: "رد الجميل، كان بابا بيحكيلى عن مقابلته للرئيس لأول مره وكان راجع فرحان أوى بصرف النظر عن انه وقف جنبه ورجعه مصر بعد رحله علاج طويله في باريس.. وبعد رجوع بابا من فرنسا وتماثله الشفاء كلمه الرئيس فى التليفون وقاله نفسك في ايه ياطلعت قاله انى اشوفك ياريس". وتابعت: "وفعلا بعد عام من المكالمة دى كلمه مكتب الرئاسة وقاله فى ميعاد مع الرئيس غدا.. وافتكر اليوم ده كويس بابا منامش لغايه ميعاد المقابله، وأول ما الريس ما شاف بابا قاله انت جاى تقابل رئيس جمهوريه ياطلعت مش لابس بدله ليه جاى بقميص وبنطلون وضحك معاه.. قاله من كتر التوتر ياريس معرفتش بلبس ايه.. قد ايه كان راجل جميل، ربنا يرحمك ياريس انت وبابا وكل امواتنا.. لغايه الان احنا على تواصل مع علاء مبارك ودايما بيسأل علينا".