بالصورة.. مي عمر تودع تصوير مشاهدها فى"ولد الغلابة" مع أحمد السقا

أعلنت الفنانة مي عمر، عن انتهائها من تصوير كافة مشاهدها في مسلسل "ولد الغلابة" للنجم أحمد السقا والمقرر عرضه خلال شهر رمضان، وذلك عبر حسابها الشخصي بموقع تبادل التواصل الاجتماعي للصور إنستجرام.
وكتبت "مي" قائلة: "كل سنه و انتوا طيبين الحمد الله فركش مسلسل ولد الغلابه، بكرة إن شاء الله عرض أولي حلقات المسلسل علي أم بي سي مصر، هتشفوني في دور فرح مختلف تماماً عن أي حاجه عملتها قبل كده أتمني يارب يعجبكم و تستمتعوا بالمسلسل".
وأضافت: "شكراً لكل فريق العمل اللي بجد تعبوا وعدوا بأيام كتير أوي صعبه ومجهدة علشان المسلسل يطلع للنور.. الاستاذ صادق الصباح والاستاذ أنور الصباح شكراً علي ثقتكم ودعمكم ليا طول الوقت والاستاذ احمد السقا بجد مفيش كلام يديك حقك علي قد احترامك وطيبتك وخوفك علي زمايلك وحب الخير ليهم. تواضعك وحبك لشغلك هو سر نجوميتك، حقيقي الشغل معاك اضافه كبيرة لأي ممثل، محمد سامي استاذي ومعلمي شكرا علي المجهود الجبار اللي عملته معانا كلنا ،دايما الشغل معاك متعه فظيعه انت بتخلي الممثل يصدق ويستمتع بكل مشهد بيعمله بكل تفاصيله ... علي قد التعب والمجهود علي قد ما هتوحشني فرح بكل تفاصيلها. أتمني يارب تتعلقوا بالشخصية زي ما أنا اتعلقت بيها و عيشوا معاها مشوارها ال30 يوم اللي جايين، هستني رأيكم بعد عرض الحلقات".
يذكر أن مسلسل "ولد الغلابة" بطولة مجموعة متميزة من النجوم منهم، أحمد السقا ومي عمر وإنجي المقدم وهبة مجدى وكريم عفيفى وهادي الجيار وصفاء الطوخي ومحمد ممدوح وإدوارد وفايق عزب وريم سامي وعفاف رشاد، وتأليف أيمن سلامة، وإخراج محمد سامي.