السيسى:عدم الحصول الدولة على مقابل خدماتها للمواطنين سبب تدهور المرافق

خلال مداخلته الرئيس عبدالفتاح السيسى بالمؤتمر الوطنى للشباب المقام بمحافظة أسوان :عدم الحصول الدولة على مقابل خدماتها للمواطنين سبب تدهور المرافق العامة
وأضاف الرئيس السيسى "أنا عاوز دايما واحنا بنتكلم على العطاء نتكلم على انا احنا مستنيين ايه مقابل من الناس، مهم قوى ان احنا نوضح ده للرأى العام فى مصر، وأان الخدمة قدام منها مقابل، ولو المقابل ده مجاش الخدمة هاتدهور وهاتنتهى، الخدمة لو ماكنش هايدفع لها المقابل الحقيقى مش الثمن المدعم ده، بنقول بشفافية ومصداقية وبوعى اللى انت بتتكلم عليه ده تكلفته 4 مليارات دولار تقريبا دول بكام وعلشان المحطة دى تشتغل بكام علشان تقدر تشتغل طول السنة، طيب يا ترى المقابل ده هانقدر نحصل عليه ولو مقدرناش هاندفعه منين؟.
وتابع:" ممكن قوى نتكلم على اننا من 2014 بتحرك بفاعلية لكن امانة الكلام معاكم يا مصريين بقولكم ان الحكاية مش كده، الدولة كانت بتقدم خدمة للناس ولا تحصل على المقابل لها فكانت تتدهور، احنا بنتكلم على مرفق السكة الحديد تقريبا يحتاج 180 مليار دنيه لاعادة تأهيله وماتقدرش تزود قيمة التذكرة، طيب هذا المرفق سيكون شكله ايه هايبقى القطار شكله عامل ازاى، مضيفًا" هو انا مابغرش على بلدى والقطر شكله كده؟"، اذا لم نحصل على القدر اللى احنا مخططينه على الاقل من المقابل ده مش هايكون لصالحنا