عبارات مختصرة ورائعة في كيفية التعامل مع الأطفال

1 اذا عاش الطفل في جو من التشجيع يتعلم الثقة بالنفس.
اتعودي لو عمل حاجة حلوة كافايه
ولو عمل حاجة غلط عاقبيه
بس في الاول والاخر متنسيش
ده طفل طفل طفل
2 اذا عاش الطفل في جو من التحمل يتعلم الصبر.
حاولي متعطيهوش كل حاجة عشان يعرف انه مرة في ومرة مفيش
وانه كله بيد الله ويتعلم الصبر
3 اذا عاش الطفل في جو من المديح يتعلم الرضى والمحبة.
طول ما انتي دايما بتكافئيه لما يعمل حاجة صح ولو بالشكر
هيتعود يشكر على الاقل لما حد يعمله حاجة كويسة
4 اذا عاش الطفل في جو من المشاركة يتعلم العطاء والكرم
ابني 3 سنين بخليه يروق معايا
عشان يتعود يشارك لما يكبر
وكمان بشجعه يشارك اخته اللي هي 3 شهور في كل حاجة
5 اذا عاش الطفل في جو من النزاهه يتعلم الصدق.
فعلا لو وعدتيه بشئ فلازم توفي
حتى ولو حاجة بسيطة جدااااا لازم توفي بيها
واياكي والكدب امامه
6 اذا عاش الطفل في جو من الانصاف يتعلم العدل.
فعلا واولا المساواة في الحب بين الابناء عدل
7 اذا عاش الطفل في جو من مراعاة المشاعر يتعلم الاحترام
لازم نخليه يحترم الكبير
وميعليش صوته على حد كبير
حتى ولو على سبيل الهزار
8 اذا عاش الطفل في جو من المحاسبة والانتقاد يتعلم الكذب
الطفل بيبدأ يكدب
لما يلاقي الام او الاب واقفين له على الواحدة
بس مش تشوفي ابنك بيعمل حاجة غلط وتسكتي
لازم المتابعة اول باول بس بهدوء
9 اذا عاش الطفل في جو من الاحباط والعنف يتعلم العدوان.
لازم تخليه يزور اقاربه
عشان يكون اجتماعي
وشجعيه عشان يكون له شخصية مستقلة
10 اذا عاش الطفل في جو من الخوف يتعلم الضعف والقلق.
دايما عرفي ابنك
اننا مبنخافش من حد طول ما ربنا معانا
واطاعته لامه وابوه احترام مش خوف
وانه دايما يقول الصدق عشان هو اللي بينجى
وطبعا بعدم ضربك له لو صارحك بخطأ عمله
11 اذا عاش الطفل في جو من الوحدة الاجتماعية يتعلم الانطواء.
حاولي تعرفيه باهمية صلة الرحم
وثوابها ايه فتلاقيه بقى اجتماعي
12 اذا عاش الطفل في جو من السخرية يتعلم الخجل.
اوعي تتريقي عليه لو عمل حاجة غلط
بالعكس
خليه دايما يختار حاجته بنفسه من صغره
ودى هيخليله راي وشخصية
13 اذا عاش الطفل في جو من الغيرة يتعلم الحسد.
اوعي تفرقي بين اولادك
دايما حاولي تكوني عااااادلة
14 اذا عاش الطفل في جو من الاهتمام الزائد يتعلم عدم الاعتماد على النفس.
خليه يساعدك في شغل البيت
خليه يجرب اي حاجة جديدة عشان
يتعلم بس لازم تكوني معاه في الاول