نواره نجم للسعوديه:"انتوا مالكوا ومال معتقدات الناس"

نشرت الناشطة السياسية نواره نجم على صفحتها الرسمية بموقع التواصل الإجتماعى "تويتر" حول مهاجمة السعودية على الشيعة قائله ربنا يقدركوا على أقلية تحولوها لمسبة وعايزين ربنا ينصفكوا، ولا حتشوفوا يوم عدل، ده احنا لما بنزعل المسيحيين الدنيا بتتقلب على دماغنا ".
وتابعت "ده لولا الكعبة حارسة الجزيرة كان زمان البلد ولعت بيكوا حرام عليكوا، المظلوم ما يتخافش عليه ربنا بيقتص له، الظالم هو اللي يتخاف عليه ده لما كنيسة بتتهاجم عندنا ربنا بيمرمط البلد كلها لولا ستره وكام واحد طيب بيقف للظلم كان زمان في حادثة واحدة ربنا ولع فينا عارفين لما الإنسان يقدر على حد ويظلمه ربنا بيعمل فيه هو وأهله ايه، وعايزين إصلاح، وربنا ما حينصلح لكوا حال طول ما بتعاملوا الشيعة كده دول أقلية، وانتوا قادرين عليهم، والندل لما احتكم يقدر ولا يعفيش وقبل ما تشتموا البوذية ابقوا اقروا فيها من مصادرهوما تستسهلوش تشتموا في أديان الناس كده، زي ما دينك عزيز عليك غيرك دينه عزيز عليه".
فى حين أكملت" اشمعنى المسيحيين المصريين في كل مصيبة مش بيلبسوها للمسلمين، احنا لو لفينا الدنيا على كعوبنا مش حنلاقي زي المسيحيين بتوعنا والله انتوا مالكوا ومال معتقدات الناس،زي ما انت شايف دينك أحسن دين كل واحد شايف دينه أحسن دين، في النهاية هو انسان ولما تقدر عليه ترحمه".