وصفه مذهله لتشقق الكعوب والركب والكوع

موضوعي ليكم انهارده مشكله عند اغلبنا
تشقق او خشونه كعب القدم او القدمين
خشونه الكوع
خشونه الركبه
طبعا اقصد خشونه فالملمس طيب موضوعي ليكم انهارده وصفه بسيطه ونتائجها بجد رائعه شرط يكون عندك عزيمه واستمرار مش تلاقي من اول مره النتيجه كويسه
تكسلي
لا خليكي نشيطه في اهتمامك بنفسك علشان تفضلي دايما برنسيسه يلا نشوف المكونات
بسم الله
هتجيبي من العطار شمع عسل كريم جليسوليد زيت زيتون نقي كبسولتين فيتامين E هنضيفهم مع الوصفه هاتي شريط دايما وخليه عندك مفيد اوي للبشره نص ليمونه وهناخد منها قطرتين فقط في حاجتين كمان هنضيفهم معلقتين كبار فازلين
و5 معالق كبار جليسرين
هتجيبي الجليسرين من العطار هنقطع الشمع بالسكينه قطع صغيره هنضيف زيت الزيوت في اناء علي نار هادئه جدا هنضيف الشمع علي زيت الزيتون معلقه كريم جليسوليد هعمل ثقب بسيط في الكبسوله بدبوس او اقص طرفها
وافرغ محتويات 2 كبسوله فيتامين e
هضيف كمان الجليسرين والفازلين
ويادوب المحتويات تكون مدمجه مع بعض هتطفي النار
مش هنسيبها تفضل تغلي
هسيبها تبرد
لما تبرد خالص هتعملي اختبار بمعلقه مثلا
لو لقيتي الوصفه طريه والمعلقه سهله لما تحطيها في الاناء يبقي نجحت
لو ناشفه ومحجره يبقي زودتي الشمع
هترجعي تاني لو حجرت منك انك تشغلي النار عليها تاني وتخليها لينه
باضافه زيت زيتون او فازلين وتكرري الاختبار
لحد ماتكون لينه معاكي
وبعد ما تبرد شويه قبل ما تمسك خالص ضفيها في برطمان زجاج او علبه بلاستيك
انا محددش كميات علشان كل واحده تعمل حسب احتياجها
بس بلاش تكتري اوي الشمع علشان ميخليش الوصفه جامده ومحجره
وزي ما قولتلكم الحل اذا حصل كده
شويه نصائح بسيطه
*****************
بالنسبه للقدمين
مينفعش تستخدمي اي وصفات او كريمات تظبتها
وهي اصلا فيها جلد ميت وزيادات
لا الصح الاول قبل البدء في روتين علاجي وعنايه بيهم
انك تعملي ازاله الاول لكل ده
طبعا معروفه الادوات الميه الدافيه
وادوات الباديكير
واحظري احظري احظري
من الموس اللي بيشيل الجلد
بجد ده لعنه
ده بيزود الجلد ولو جربتيه مره هيكون ادمان
الجلد مش هيتظبط الا بيه
يبقي اتفقنا هنظبط الاول القدمين وبعدين نستخدم وصفتنا
لو قدرتي بعدها تلبسي شراب شويه ولو ساعه
وتلفيها بالنايلون قبل الشراب هيكون تمام اوي
الوصفه كل يوم
لكن العنايه بالقدم ممكن كل اسبوع او سبوعين حسب الحاله
وغير كده في كل شاور ممكن تعتني بيها
بالنسبه للكوع والركب
*********
في وصفات للتبيض والتفتيح منهم ماسك البطاطس
ممكن تستخدميه للتفتيح
نيجي بئه للتنعيم
هنستخدم الماسك بتاع انهارده
ومتنسيش تعتني بيهم عالاقل اسكراب بسيط كل اسبوع
باسفنجه لطيفه بلاش الليفه علشان متسببش ليكي حبوب
نقلا عن موقع:كوني يكن